استانادا بٸرنەشە كٷننەن بەرٸ ٸزدەستٸرٸلٸپ جاتقان وقۋشى بالا ٶلٸ كٷيٸندە تابىلدى. بۇل تۋرالى قر ٸشكٸ ٸستەر مينيسترلٸگٸ تٶتەنشە جاعدايلار كوميتەتٸنٸڭ رەسمي ٶكٸلٸ نۇرسۇلتان نۇراحمەتوۆ ايتتى, دەپ حابارلايدى قازاقپارات تٸلشٸسٸ.
«19 اقپان كٷنٸ ساعات 16:53-تە استانانىڭ تەمٸرجول تۇرعىن الابىندا ورتالىق ٶڭٸرلٸك اەروموبيلدٸ شۇعىل-قۇتقارۋ جاساعىنىڭ قۇتقارۋشىلارى 2006 جىلى تۋعان بالانى ٸزدەستٸرۋ جۇمىستارىن جٷرگٸزدٸ. ول 16 اقپاندا ٷيٸنەن شىعىپ كەتٸپ, قايتا ورالماعان. ساعات 23:40-تا ۆولونتەرلار اشىق جاتقان كەرٸز قۇدىقتارىنىڭ بٸرٸنەن جوعالعان بالانىڭ دەنەسٸن تاپتى. قۇتقارۋشىلار مەيٸتتٸ الىپ شىقتى», - دەدٸ رەسمي ٶكٸل.
استانا قالالىق پوليتسييا دەپارتامەنتٸنٸڭ باسپاسٶز قىزمەتٸنەن مەلٸم ەتكەندەي, وقيعا بويىنشا تەرگەۋ باستالدى. سوت-مەديتسينالىق ساراپتاما تاعايىندالدى. باقدەۋلەت ٶمٸرحاننىڭ دەنەسٸندە كٶزگە كٶرٸنەتٸن زورلىق-زومبىلىق بەلگٸلەرٸ بايقالماعان.
«بالانىڭ جوعالۋ سەبەبٸن انىقتاۋ جەنە ونىڭ ورنالاسۋ جەرٸن انىقتاۋ ماقساتىندا شۇعىل-ٸزدەستٸرۋ توبى قۇرىلدى. وعان پوليتسەيلەر, ەسكەري قىزمەتشٸلەر, تٶتەنشە جاعدايلار قىزمەتكەرلەرٸ ەندٸ. سونداي-اق ٸزدەستٸرۋ جۇمىستارىنا ەرٸكتٸلەر قوسىلدى. ەسكەري قىزمەتشٸلەر مەن ۆولونتەرلار كەنتتەگٸ (تەمٸرجول تۇرعىن الابى) ورماندى القاپتاردى, قاراۋسىز قالعان جەر ٷيلەردٸ, اشىق الاڭداردى, تەمٸرجول ٶتكەلدەرٸن, كەرٸز قۇدىقتارىن, سونداي-اق تەحنيكانىڭ كٶمەگٸمەن تراسسالار بويىن تٸنتٸپ شىقتى», - دەدٸ استانا قالالىق پوليتسييا دەپارتامەنتٸنەن.
ەسكە سالايىق, ەلوردادا وسىعان ۇقساس وقيعا بٸرنەشە كٷن بۇرىن عانا بولعان ەدٸ. 15 اقپان كٷنٸ اناسىمەن بٸرگە سەرۋەندەپ جٷرگەن 5 جاسار بالا اشىق تۇرعان قۇدىققا قۇلاپ كەتتٸ. وقيعا قاراساي باتىر كٶشەسٸ بويىندا بولدى. ابىروي بولعاندا, بالا دٸن امان قۇتقارىلدى. قۇتقارۋشىلار كەلگەنشە تەرەڭدٸگٸ 2 مەتر قۇدىققا №39 مەكتەپتٸڭ 10-سىنىپ وقۋشىسى تٷسٸپ, بالدىرعاندى الىپ شىقتى.
بۇدان بٶلەك, ٶتكەن جىلدىڭ 26 قاراشاسى كٷنٸ 14 جاستاعى قىز كەرٸز قۇدىعىنا قۇلاپ, مەرت بولدى. وسى وقيعادان كەيٸن شاھار باسشىسى باقىت سۇلتانوۆ قۇدىقتاردى كٷندەلٸكتٸ تەكسەرۋدٸ تاپسىردى.
ايتا كەتەيٸك, استانالىقتار اشىق قۇدىقتار مەن ولاردىڭ قاقپاقتارىنىڭ سىنعانى تۋرالى اقپاراتتى iKomek ورتالىعىنا حابارلاي الادى (109 نٶمٸرٸنە قوڭىراۋ شالۋ (قالالىق جەنە ۇيالى تەلەفوننان قوڭىراۋ شالۋ - تەگٸن); Telegram-داعى: astanaikomek109_bot چات-بوتىنا جٸبەرۋ, ەكٸمدٸكتٸڭ astana.gov.kz سايتىنا جولداۋ).
