ەلوردادا جالعان انىقتامالار ساتقان مەديتسينالىق ورتالىقتاردىڭ ەكٸ باسشىسى ۇستالدى, - دەپ حابارلايدى Polisia.kz پورتالى.
كليەنتتەر كٶلٸك قۇرالدارىن باسقارۋعا جٷرگٸزۋشٸ كۋەلٸگٸن الۋ ٷشٸن مەديتسينالىق انىقتامالارعا تاپسىرىس بەرگەن. ٸس-شارالار كەشەنٸ بارىسىندا استانا قالاسىنىڭ پوليتسەيلەرٸ الدىن الا سٶز بايلاسۋ بويىنشا جالعان مەديتسينالىق انىقتامالاردى ٶتكٸزۋ ارناسىن ۇيىمداستىرعان جشس-نىڭ ەكٸ باسشىسىن ۇستادى. اقشالاي قاراجاتقا ولار مەديتسينالىق ۇيىمعا ٸس جٷزٸندە بارماي-اق ۋاقىتشا ەڭبەككە جارامسىزدىق پاراقتارىن, دەنساۋلىق پاسپورتتارىن, سانيتارلىق كٸتاپشالاردى, №086, 075 نىسانىنداعى انىقتامالاردى جەنە ٶزگە دە مەديتسينالىق قۇجاتتاردى دايىنداعان.
تەرگەۋ-جەدەل ٸس-شارالار كەشەنٸن ٶتكٸزۋ كەزٸندە استانا قالاسى پد كريمينالدىق پوليتسييا باسقارماسىنىڭ قىزمەتكەرلەرٸ تەۋەلسٸزدٸك داڭعىلى بويىنداعى مەديتسينالىق ورتالىقتىڭ 33 جاستاعى باسشىسىن ۇستادى. تٸنتۋ بارىسىندا قولما-قول اقشا, ەلتاڭبالىق مٶرلەر, مەديتسينالىق مٶرتاباندار, مەديتسينالىق انىقتامالاردىڭ ٷزبەلٸ تٷبٸرتەك بايلامدارى, تٸركەۋ جۋرنالدارى, مەديتسينالىق كٸتاپشالار, تولتىرىلعان جەنە مٶر قويىلعان ەڭبەككە جارامسىزدىق پاراقتارى تەركٸلەندٸ.
سونداي-اق, ەۋەزوۆ كٶشەسٸندە ورنالاسقان مەديتسينالىق ورتالىقتىڭ تاعى بٸر 33 جاستاعى باسشىسى ۇستالدى. تٸنتۋ بارىسىندا مەديتسينالىق كٸتاپشالار, ەڭبەككە جارامسىزدىق پاراقتارى, مٶرلەر تەركٸلەندٸ. كليەنتتەردٸڭ جۇمىسقا ورنالاسۋ, كٶلٸك قۇرالدارىن باسقارۋ ٷشٸن جٷرگٸزۋشٸ كۋەلٸگٸن الۋ جەنە تاعى باسقا قاجەتتٸ مەديتسينالىق انىقتامالارعا تاپسىرىس بەرگەنٸ انىقتالدى.
اتالعان دەرەك بويىنشا جالعان قۇجاتتاردى دايىنداعانى جەنە ٶتكٸزگەنٸ ٷشٸن قر قك-نٸڭ 385-بابى (جالعان قۇجاتتاردى, مٶرتابانداردى, مٶرلەردi, بلانكٸلەردٸ, مەملەكەتتiك پوشتا تٶلەمٸ بەلگٸلەرٸن, مەملەكەتتiك ناگرادالاردى قولدان جاساۋ, دايىنداۋ نەمەسە ٶتكiزۋ) بويىنشا قىلمىستىق ٸس قوزعالدى. تەرگەۋ امالدارى جٷرگٸزٸلٸپ جاتىر.
