ەلوردادا قۇرىلىس الاڭىنان مىس كابەل ۇرلاپ, ساتۋمەن اينالىستى دەگەن كٷدٸكپەن اعايىندى ٷش جٸگٸت ۇستالدى. بۇل جايىندا نۇر-سۇلتان قالالىق پوليتسييا دەپارتامەنتٸنەن مەلٸم ەتتٸ, دەپ حابارلايدى "ۇلت اقپارات".
«بٸرەۋٸ 18 جەنە ەكەۋٸ 21 جاستاعى ٷش اعايىندى جٸگٸت قۇرىلىس الاڭىندا اۋىسىممەن قارا جۇمىسشى بولىپ ەڭبەك ەتكەن. كومپانييا ۇسىنعان جاتاقحانانىڭ بٸر بٶلمەسٸندە تۇرعان. ۇرلىق جاساۋدى ويعا العان ولار توپتارىنا 18 جاستاعى بٸر ەرٸپتەستەرٸن قوسىپ العان. تٷنگٸ اۋىسىم كەزٸندە توپتىڭ 2 مٷشەسٸ قۇرىلىس الاڭىنان مىس كابەل جيناۋمەن اينالىسقان. ال دەل وسى ۋاقىتتا قالعان ەكٸ كٷدٸكتٸ نىسانعا جاقىن جەرگە كٶلٸكتەرٸمەن كەلٸپ, كٷتكەن. ولار قورشاۋدان سىبايلاستارى مىس كابەلدەرٸن لاقتىرعان كەزدە, ونى كٶلٸكتەرٸن تيەپ, وقيعا ورنىنان بوي تاسالاپ وتىرعان. كەلەسٸ كٷنٸ ۇرلانعان كابەلدەردٸ مەتالل قابىلدايتىن پۋنكتتەرگە ساتىپ جٸبەرٸپ, تٷسكەن اقشانى ٶزارا بٶلٸسٸپ, قاجەتتەرٸنە جاراتقان», - دەپ اتاپ ٶتەدٸ دەپارتامەنتتەن.
ۆەدومستۆو مەلٸمەتٸنشە, جەڭٸل جولمەن اقشا تابۋدىڭ دەمٸن تاتقانداردىڭ تاعى دا بٸر رەت كابەل ۇرلاعاندارى بەلگٸلٸ بولىپ وتىر. شىعىننىڭ جالپى سوماسى 960 مىڭ تەڭگەنٸ قۇرايدى. پوليتسييا قىزمەتكەرلەرٸ جەدەل ٸزدەستٸرۋ ٸس-شارالارى بارىسىندا ۇرلىق جاساۋ كٷدٸگٸمەن 4 جۇمىسشىنى ۇستادى. ولار كٸنەلارىن مويىنداپ, زاتتاي ايعاقتار تەركٸلەنگەن.
قازٸرگٸ ۋاقىتتا كٷدٸكتٸلەردٸڭ قالا اۋماعىندا جاسالعان دەل وسىنداي قىلمىستارعا قاتىسى تەكسەرٸلٸپ جاتىر.
