7 شٸلدەدە نۇر-سۇلتان قالاسىندا ۇلتتىق دومبىرا كٷنٸنە ارنالعان مەرەكەلٸك كونتسەرت ٶتەدٸ. وسىعان وراي «قازاق ەلٸ» مونۋمەنتٸنٸڭ الدىنداعى الاڭ بىلتىرعىداي ٷلكەن ساحناعا اينالادى, دەپ حابارلايدى "ۇلت اقپارات" نۇر-سۇلتان قالاسىنىڭ مەدەنيەت جەنە سپورت باسقارماسىنا سٸلتەمە جاساپ.
شاراعا جاس ەرەكشەلٸگٸنە قاراماستان نيەت بٸلدٸرگەندەردٸڭ بارلىعى قاتىسا الادى. ولار «سارىارقا», «اداي», «ەلقيسسا», «كٶڭٸل تولقىنى», «بالبىراۋىن» جەنە «كٶرەعۇلى» كٷيلەرٸن جاتقا بٸلۋگە تيٸس. شاراعا قاتىسۋ ٷشٸن 1 ماۋسىمنان 5 شٸلدەگە دەيٸن www.asyldombyra.kz سايتىندا ونلاين تٸركەلۋ كەرەك. كونتسەرت ساعات 12:00-دە باستالادى.
«بيىل ۇلتتىق دومبىرا كٷنٸنە ورايلاستىرىلعان جاپپاي كونتسەرتتە ورىندالاتىن التى كٷي تاڭدالدى. ەرينە, قاتىسۋشىلاردىڭ ولاردىڭ بارلىعىن بٸلگەنٸ جاقسى. دەگەنمەن ۇسىنىلعان كومپوزيتسييالاردىڭ بٸرەۋٸن عانا بٸلەتٸندەر دە كونتسەرتكە ٷلەس قوسا الادى», - دەپ حابارلادى نۇر-سۇلتان قالاسىنىڭ مەدەنيەت جەنە سپورت باسقارماسىنان.
7 شٸلدەدە مەرەكە بارىسىندا كٷمبٸرلەگەن كٷيدەن باسقا, جينالعاندار نازارىنا «جاستار» تەاترىنىڭ اكتەرلەرٸ تاريحي قويىلىمىن ۇسىنادى, ەلوردالىق مۋزىكا مەكتەپتەرٸنٸڭ شەكٸرتتەرٸ ٶز ٶنەرلەرٸن ورتاعا سالادى, اقىندار ايتىسى ٶتەدٸ. سۋىرىپ سالما ٶلەڭگە ىسىلعان جاندار ۇلتتىق مۋزىكالىق اسپابىمىز – دومبىرانى جىرعا قوسادى. سونىمەن قاتار, «قازاق ەلٸ» مونۋمەنتٸنٸڭ الدىنداعى الاڭدا كيٸز ٷيلەر تٸگٸلٸپ, قازاق اۋىلى ورنالاسادى تەبەدٸ. كەلۋشٸلەر دومبىرانىڭ جەنە باسقا دا ۇلتتىق اسپاپتاردىڭ تٷر-تٷرٸمەن تانىسا الادى.
سونىمەن قاتار, مەرەكە كەشكە ەسٸل ٶزەنٸنٸڭ جاعاسىنداعى امفيتەاتردا «ناعىز قازاق - دومبىرا» كونتسەرتٸمەن جالعاسىن تابادى. ساحنا تٶرٸندە قازاق وركەسترٸ, نۇر-سۇلتان قالاسى ەكٸمدٸگٸنٸڭ مەملەكەتتٸك اكادەمييالىق فيلارمونيياسىنىڭ سوليستەرٸ مەن ۆوكاليستەرٸ ٶنەر كٶرسەتەدٸ. كونتسەرتتٸڭ باستالۋى ساعات 17.00-دە. كٸرۋ - تەگٸن.
ەسكە سالايىق, ٶتكەن جىلى ۇلتتىق دومبىرا كٷنٸنە وراي «قازاق ەلٸ» مونۋمەنتٸنٸڭ الدىنداعى الاڭدا دومبىرانىڭ قۇلاعىندا وينايتىن 2 مىڭنان اسا ٶنەرپازدان قۇرىلعان وركەستر ٶز ٶنەرٸن ورتاعا سالدى. فلەشموبقا قاتىسۋ ٷشٸن ەلٸمٸزدٸڭ ٶڭٸرلەرٸنەن دە دومبىراشىلار ەلورداعا ات باسىن تٸرەدٸ. شارانى ەلباسى نۇرسۇلتان نازارباەۆ تاماشالادى. ايتا كەتەيٸك, بۇل قالا تاريحىنداعى ايتۋلى وقيعا بولدى. «كٶڭٸل اشار», «اداي», «بالبىراۋىن», «ەركە سىلقىم» جەنە «سارىارقا» كٷيلەرٸن ورىنداعان دومبىراشىلارعا قر ەڭبەك سٸڭٸرگەن قايراتكەرٸ, كومپوزيتور ايتقالي جايىموۆ ديريجەرلٸك ەتتٸ. 1 شٸلدەدە ٶتكەن ۇلتتىق دومبىرا كٷنٸنە ارنالعان كونتسەرتكە بەلگٸلٸ مۋزىكانتتار, قوعام جەنە مەملەكەت قايراتكەرلەرٸ, ونىڭ ٸشٸندە قر پارلامەنتٸ مەجٸلٸسٸنٸڭ دەپۋتاتى بەكبولات تٸلەۋحان, نۇر-سۇلتان قالاسىنىڭ مەدەنيەت جەنە سپورت باسقارماسىنىڭ باسشىسى بولات ماجاعۇلوۆ, قازاقستاننىڭ ەڭبەك سٸڭٸرگەن ارتيسٸ ايگٷل ٷلكەنباەۆا, نۇركەن ەشٸروۆ, ديريجەر ارمان جٷلدەباەۆ, «باستاۋ» توبى, «سەرپەر», «اسىل توبى», «مۋزارت», اسىلبەك ەڭسەپوۆ جەنە باسقالارى قاتىستى. ايتا كەتەيٸك, بىلتىر قاتىسۋشىنىڭ ەڭ كٸشكەنتايى 7 جاستا, ال ەڭ ٷلكەنٸ – 75-تە بولدى. شارا بارىسىندا ەڭ جاس قاتىسۋشىعا ەلباسى ٶز قولىمەن دومبىرا تارتۋ ەتتٸ.
ۇلتتىق دومبىرا كٷنٸ 2018 جىلى قازاقستان رەسپۋبليكاسىنىڭ تۇڭعىش پرەزيدەنتٸنٸڭ جارلىعىمەن بەكٸتٸلدٸ جەنە جىل سايىن شٸلدەنٸڭ بٸرٸنشٸ جەكسەنبٸسٸندە اتالىپ ٶتٸلەدٸ.
