27 سەۋٸردەن باستاپ نۇر-سۇلتان قالاسىنىڭ تۇرعىندارى مەن قوناقتارىنا اۋلادا سەرۋەندەۋگە جەنە ساياجايداعى ٶز ۋچاسكەلەرٸنە بارۋعا رۇقسات ەتٸلەدٸ. وسىعان بايلانىستى ازاماتتارعا قويىلاتىن تالاپتار تۋرالى قالا ەكٸمٸ ورىنباسارى باقتييار ماكەن تٷسٸندٸردٸ, دەپ حابارلايدى ەلوردا ەكٸمدٸگٸنٸڭ رەسمي سايتى.
«ازاماتتار ٷي اۋلاسىندا سەرۋەندەۋ ٷشٸن ناقتى بٸر شارتتار مەن شەكتەۋلەردٸ ورىنداۋى قاجەت. اتاپ ايتساق, كٶشەدە وتباسى مٷشەلەرٸن قوسپاعاندا, ٷش ادامنان كٶپ توپ بولىپ جينالۋعا تىيىم سالىنادى. كەمەلەتكە تولماعان بالالار اتا-انالارىنىڭ نەمەسە 18 جاسقا تولعان تۋىستارىنسىز اۋلادا جٷرۋٸنە رۇقسات ەتٸلمەيدٸ. اۋلادا سەرۋەندەپ جٷرگەن ازاماتتار مەديتسينالىق ماسكا مەن قولعاپ كييۋٸ كەرەك. تەك ناقتى تۇرعىلىقتى مەكەن-جايدىڭ اۋلاسىندا بولۋى شارت. كٶشەدە جٷرۋگە 06.00-دەن 20.00-گە دەيٸن رۇقسات ەتٸلەدٸ», – دەدٸ ب.ماكەن ورتالىق كوممۋنيكاتسييالار قىزمەتٸندە ٶتكەن بريفينگتە.
ەگدە جاستاعى (65 جاستان جوعارى) جەنە سوزىلمالى اۋرۋلارى بار ادامدار, اسا قاجەتتٸلٸك بولماسا سىرتقا شىقپاعانى دۇرىس. ٶيتكەنٸ بۇل ساناتتاعى ادامداردىڭ Covid-19 ينفەكتسيسىمەن اۋىرۋ ىقتيمالدىعى جوعارى.
سونداي-اق ساياجاي ۋچاسكەلەرٸنٸڭ يەلەرٸ دە كارانتين ايماعىنان شىعۋ ٷشٸن بٸرقاتار شارتتاردى ساقتاۋى تيٸس. ولار: كارانتين ايماعىندا 06:00-دەن 20:00-گە دەيٸن جەكە كٶلٸكپەن جٷرۋ, مەملەكەتتٸك مٶر قويىلعان باۋ-باقشا سەرٸكتەستٸگٸنە مٷشەلٸك كٸتاپشاسىنىڭ نەمەسە جەر ۋچاسكەسٸنٸڭ ماقساتتى تاعايىنداماسىنىڭ مەملەكەتتٸك اكت كٶشٸرمەسٸنٸڭ بولۋى. 65 جاستان اسقان ەگدە ادامدار باۋ-باقشا الاڭدارىنا بارماۋى قاجەت. ال, كەمەلەتكە تولماعان بالالارعا اتا-اناسى نەمەسە 18 جاسقا تولعان تۋىستارىنسىز ساياجايعا بارۋعا رۇقسات ەتٸلمەيدٸ.
ايتا كەتسەك, قالادا 20 مىڭنان استام ادام تۇراتىن 64 باعباندىق بٸرلەستٸك بار.
