فوتو: Polisia.kz
ەلوردادا مەشٸتتەن تەلەفون ۇرلاعان كٷدٸكتٸ قولعا تٷستٸ, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
ەسٸل اۋدانى پب كريمينالدىق پوليتسييا بٶلٸمٸنٸڭ قىزمەتكەرلەرٸ جەدەل-ٸزدەستٸرۋ ٸس-شارالارىن جٷرگٸزۋ بارىسىندا اتىراۋ وبلىسىنىڭ 34 جاستاعى تۋماسىن ۇرلىق قىلمىسىنا قاتىسى بار دەگەن كٷدٸكپەن قولعا تٷسٸرگەن.
اتالعان ازامات تەرگەپ تەكسەرۋ بارىسىندا كەشكٸ ۋاقىتتا ەلورداداعى مەشٸتتەردٸڭ بٸرٸندە Redmi 7 كٶك تٷستٸ تەلەفونىن جاسىرىن ۇرلاپ كەتكەنٸ بەلگٸلٸ بولعان. كەلتٸرٸلگەن شىعىن 80 مىڭ تەڭگەنٸ قۇراعان.
"قازٸرگٸ ۋاقىتتا وعان قاتىستى ەشقايدا كەتپەۋ تۋرالى جازباشا تٷردە بۇلتارتپاۋ شاراسى تاڭدالىپ, زاتتاي ايعاقتار تەركٸلەندٸ.
كٷدٸكتٸ ٶز كٸنەسٸن مويىنداپ, ونىڭ بۇرىن جاسالعان وسىعان ۇقساس قىلمىستارعا قاتىستىلىعى تەكسەرٸلٸپ جاتىر" - دەلٸنگەن حابارلامادا.
