نۇر-سۇلتان قالاسىندا مەملەكەتتٸك قولداۋ اياسىندا اشىلعان كەسٸپورىنداردىڭ جۇمىسى تانىستىرىلدى, دەپ حابارلايدى قازاقپارات.
«بٷگٸندە ەلٸمٸزدە شاعىن بيزنەستەن ٸرٸ بيزنەسكە دەيٸن بارلىق كەسٸپكەرلٸك سالاسى مەملەكەتتٸك قولداۋعا يە. قازٸرگٸ ۋاقىتتا بٸزدٸڭ قور ارقىلى مەملەكەتتٸك قولداۋدىڭ 4 نەگٸزگٸ تٷرٸ بار. اتاپ ايتقاندا, كەپٸلدٸك بەرۋ, سۋبسيدييا, جەڭٸلدەتٸلگەن نەسيە جەنە قولداۋ كٶرسەتۋ ياعني كونسۋلتاتسييا قىزمەتٸ. بۇل دەگەنٸمٸز, بٸزدٸڭ مەنەدجەرلەر كليەنتكە ٶز ٸسٸن اشۋ مەن ونى ٸلگەرٸلەتۋدە بارلىق قاجەتتٸ قىزمەت تٷرٸن كٶرسەتەدٸ. سونداي-اق, كارانتين جاعدايىن ەسكەرە وتىرىپ بيىل «بيزنەستٸڭ جول كارتاسى-2020» باعدارلاماسىنا ٶزگەرٸستەر ەنگٸزٸلدٸ. ونداعى باستى جاڭالىق - كەسٸپكەرلەر 6% مٶلشەرلەمەمەن نەسيە الا الادى. ال بۇرىن بۇل كٶرسەتكٸش 14% بولعان», - دەيدٸ «دامۋ» قورىنىڭ نۇر-سۇلتان قالاسى بويىنشا ايماقتىق فيليالىنىڭ ديرەكتورى نۇرسۇلتان ابدوللا.
ونىڭ ايتۋىنشا, كارانتين كەزٸندە ەلوردالىق كەسٸپكەرلەردٸ جيٸ مازالاعان سۇراق - تٶلەماقى مەرزٸمٸن ۇزارتۋ.
«بٸز ٶز كەسٸبٸمٸزدٸ 2013 جىلى ٷيدەن باستادىق. ۋاقىت ٶتە كەلە مەملەكەتتٸك قولداۋعا يە بولىپ, بٷگٸندە تسەح اشتىق. تۇرمىستىق حيمييا زاتتارى كٷندەلٸكتٸ تٸرشٸلٸكتە قاجەت دٷنيە بولعاندىقتان تاۋار اينالىمى جىل ساناپ ٶسٸپ كەلەدٸ. ياعني ەلوردادان بٶلەك, الىس-جاقىن ايماقتاردان دا تاپسىرىس تٷسەدٸ. ساپاسى جاعىنان بٸزدٸڭ تاۋار باسقا تۇرمىستىق حيمييا زاتتارىنان كەم تٷسپەيدٸ. بٸزگە تەك جارناما جاعى جەتٸسپەيدٸ. الداعى جوسپارعا كەلسەك, ەرينە تاۋار اينالىمىن ۇلعايتقىمىز كەلەدٸ. ول ٷشٸن ٶندٸرٸستٸ اۆتوماتتاندىرۋ قاجەت, سەبەبٸ بٸز بٷگٸندە كەي جۇمىستاردى قولمەن ٸستەيمٸز. تسەحتا 13 ادام جۇمىس ٸستەيدٸ», - دەيدٸ تۇرمىستىق حيمييا ٶنٸمدەرٸن شىعاراتىن «اركو گرۋپپ» جشس باسشىسى گٷلنەر ۆاليەۆا.
استانالىق كەسٸپورىن يەلەرٸنٸڭ ايتۋىنشا, جەكە كەسٸپ اشۋدا مەملەكەتتٸك قولداۋدىڭ رٶلٸ زور.
«مەملەكەتتٸك قولداۋدىڭ اياسىندا بٸزدٸڭ كومپانييانىڭ اشىلعانىنا بٸر جىل عانا بولدى. بٸز تۇرمىستىق بيوپاكەت ٶندٸرەمٸز. بٸزدٸڭ ٶنٸم ەكولوگييالىق تازا جەنە قايتا ٶندەلەتٸندٸگٸمەن ەرەكشەلەنەدٸ. ونىڭ ٷستٸنە ەلوردادا ەكولوگييالىق پاكەتكە دەگەن سۇرانىس ەجەپتەۋٸر. ودان بٶلەك, بٸزدٸڭ تاۋار الماتى مەن پاۆلودارعا جٶنەلتٸلەدٸ. ەرينە, ەلٸمٸزدەگٸ كارانتين شارالارىنىڭ جۇمىسىمىزعا كەرٸ ەسەرٸن تيگٸزگەنٸ راس, دەگەنمەن كەسٸبٸمٸزدٸ جالعاستىرىپ جاتىرمىز», - دەيدٸ «Eco Friend» جشس ديرەكتورى قۋانىش جاپاقوۆ.
ايتا كەتسەك, بٷگٸن ەلوردادا «دامۋ» قورى مەملەكەتتٸك قولداۋدىڭ اياسىندا اشىلعان كەسٸپورىنداردىڭ جۇمىسىمەن تانىستىرۋ ماقساتىندا باق ٶكٸلدەرٸنە ارناپ باسپاسٶز تۋرىن ۇيىمداستىردى.
