Nur-Sultan qalasynda memlekettik qoldaý aiasynda ashylǵan kásiporyndardyń jumysy tanystyryldy, dep habarlaidy QazAqparat.
«Búginde elimizde shaǵyn biznesten iri bizneske deiin barlyq kásipkerlik salasy memlekettik qoldaýǵa ie. Qazirgi ýaqytta bizdiń qor arqyly memlekettik qoldaýdyń 4 negizgi túri bar. Atap aitqanda, kepildik berý, sýbsidiia, jeńildetilgen nesie jáne qoldaý kórsetý iaǵni konsýltatsiia qyzmeti. Bul degenimiz, bizdiń menedjerler klientke óz isin ashý men ony ilgeriletýde barlyq qajetti qyzmet túrin kórsetedi. Sondai-aq, karantin jaǵdaiyn eskere otyryp biyl «Biznestiń jol kartasy-2020» baǵdarlamasyna ózgerister engizildi. Ondaǵy basty jańalyq - kásipkerler 6% mólsherlememen nesie ala alady. Al buryn bul kórsetkish 14% bolǵan», - deidi «Damý» qorynyń Nur-Sultan qalasy boiynsha aimaqtyq filialynyń direktory Nursultan Abdolla.
Onyń aitýynsha, karantin kezinde elordalyq kásipkerlerdi jii mazalaǵan suraq - tólemaqy merzimin uzartý.
«Biz óz kásibimizdi 2013 jyly úiden bastadyq. Ýaqyt óte kele memlekettik qoldaýǵa ie bolyp, búginde tseh ashtyq. Turmystyq himiia zattary kúndelikti tirshilikte qajet dúnie bolǵandyqtan taýar ainalymy jyl sanap ósip keledi. Iaǵni elordadan bólek, alys-jaqyn aimaqtardan da tapsyrys túsedi. Sapasy jaǵynan bizdiń taýar basqa turmystyq himiia zattarynan kem túspeidi. Bizge tek jarnama jaǵy jetispeidi. Aldaǵy josparǵa kelsek, árine taýar ainalymyn ulǵaitqymyz keledi. Ol úshin óndiristi avtomattandyrý qajet, sebebi biz búginde kei jumystardy qolmen isteimiz. Tsehta 13 adam jumys isteidi», - deidi turmystyq himiia ónimderin shyǵaratyn «Arko Grýpp» JShS basshysy Gúlnár Valieva.
Astanalyq kásiporyn ieleriniń aitýynsha, jeke kásip ashýda memlekettik qoldaýdyń róli zor.
«Memlekettik qoldaýdyń aiasynda bizdiń kompaniianyń ashylǵanyna bir jyl ǵana boldy. Biz turmystyq biopaket óndiremiz. Bizdiń ónim ekologiialyq taza jáne qaita óndeletindigimen erekshelenedi. Onyń ústine elordada ekologiialyq paketke degen suranys ájeptáýir. Odan bólek, bizdiń taýar Almaty men Pavlodarǵa jóneltiledi. Árine, elimizdegi karantin sharalarynyń jumysymyzǵa keri áserin tigizgeni ras, degenmen kásibimizdi jalǵastyryp jatyrmyz», - deidi «Eco Friend» JShS direktory Qýanysh Japaqov.
Aita ketsek, búgin elordada «Damý» qory memlekettik qoldaýdyń aiasynda ashylǵan kásiporyndardyń jumysymen tanystyrý maqsatynda BAQ ókilderine arnap baspasóz týryn uiymdastyrdy.
