ەلوردا تٶرٸندە ادامزاتتىڭ اسىل تەجٸ مۇحاممەد (وعان اللانىڭ سالاۋاتى مەن سەلەمٸ بولسىن) پايعامبارىمىزدىڭ قۇرمەتٸنە وراي «عالامنىڭ راقىم نۇرى» اتتى مەۋلٸت كەشٸ ٶتتٸ, – دەپ حابارلايدى «ۇلت اقپارات».
قاسيەتتٸ قۇران اياتتارىمەن باستاۋ العان مەۋلٸت كەشٸ ارداقتى پايعامبارىمىزعا (وعان اللانىڭ سالاۋاتى مەن سەلەمٸ بولسىن) جولدانعان سانسىز سالاۋاتتارمەن بەرەكەلەندٸ. قمدب تٶراعاسى, باس مٷفتي سەرٸكباي قاجى وراز بارشا مٷمٸندەردٸڭ مەرەيلٸ مەرەكەسٸ – مەۋلٸت مەيرامىمەن قۇتتىقتاپ, ەز ەلشٸگە (وعان اللانىڭ سالاۋاتى مەن سەلەمٸ بولسىن) دەگەن ماحاببات يمانىمىزعا قۋات, جانىمىزعا ازىق ەكەنٸن اتاپ ٶتتٸ. القالى جيىنعا ەلوردا ەكٸمٸ دە ٶز ٸزگٸ تٸلەگٸن جولداپ, شاھار تۇرعىندارىن مەرەيلٸ مەرەكەمەن قۇتتىقتادى.
كەش اياسىندا ەلٸمٸزگە بەلگٸلٸ قاري جۇمانازار سادىرحانوۆ پەن ارمان عابدۋلليننٸڭ قوس تٸلدە ورىنداعان مەۋلٸت جىرىنىڭ كٶرەرمەندەر ٷشٸن ورنى بٶلەك بولعانداي. سونداي-اق, پايعامبارىمىزعا (وعان اللانىڭ سالاۋاتى مەن سەلەمٸ بولسىن) دەگەن ساعىنىشتارىن ەنمەن جەتكٸزگەن قۇرماش ماحانوۆ, بەيبٸت قۇشقاليەۆ, سەرجانەلٸ ەلٸبەك سىندى ٶنەر جۇلدىزدارى دا بٷگٸنگٸ كەشتٸڭ شىرايىن كٸرگٸزە تٷستٸ. ەلٸمٸزگە بەلگٸلٸ «ٶنەر قىراندارى» تەاترى دا رۋحاني كەشكە ٶز ٷلەستەرٸن قوسىپ, كٶرەرمەنگە «پايعامباردى ساعىنۋ» قويىلىمىن ۇسىندى
مەۋلٸت كەشٸنٸڭ تاعى بٸر تاعىلىمدى شاراسى – دەستٷرلٸ «مەۋلٸت سىيلىعىن» تابىستاۋ رەسٸمٸ بولدى. جىل سايىن دەستٷرلٸ تٷردە ٶتكٸزٸلٸپ كەلە جاتقان مەۋلٸت كەشٸندە قمدب تٶراعاسىنىڭ بٸرٸنشٸ ورىنباسارى, نايب مٷفتي, نۇر-سۇلتان قالاسىنىڭ باس يمامى ناۋرىزباي قاجى تاعانۇلىنىڭ باستاماسىمەن بٸرنەشە جىلدان بەرٸ ارنايى «مەۋلٸت سىيلىعى» تابىستالىپ كەلەدٸ.
بەرەكەلٸ كەش بارىسىندا اتالعان قۇجاتتا كٶرسەتٸلگەن يماندىلىق, وتانشىلدىق, اۋىزبٸرشٸلٸك, بٸلٸمدٸلٸك, مەدەنيەتتٸلٸك, ەڭبەكقورلىق, اماناتشىلدىق سەكٸلدٸ اسىل قاسيەتتەر بويلارىنان كٶرٸنٸس تاپقان ابزال جاندار ماراپاتقا يە بولىپ, حالىق الدىندا مەرەيلەرٸ اسقاقتادى.
