بٷگٸن ەلورداداعى ۇلتتىق اكادەمييالىق كٸتاپحانادا احمەت كەنەساريننىڭ قازاق تٸلٸندەگٸ «ناساب نامە سۇلتان سىدىق» كٸتابىنىڭ تۇساۋكەسەرٸ ٶتتٸ, دەپ حابارلايدى قازاقپارات.
بەلگٸلٸ اقىن ەربول الشىنباي قازاق تاريحى ٷشٸن اسا قۇندى ەڭبەك سۇلتان احمەت كەنەساريننىڭ «ناساب نامە سۇلتان سىدىق» كٸتابىن شاعاتايشادان قازاقشاعا اۋدارىپ, عىلىمي تٷسٸنٸكتەمەلەرٸن جازىپ, كٸتاپتاعى دەرەككە ساي كەنەسارى حان مەن سۇلتان سىدىقتىڭ جورىق جولدارىنىڭ كارتاسىن سالدىرىپ باسپادان شىعاردى. العى سٶزٸن بەرٸك ۋەلي, رەتسەنزيياسىن جامبىل ارتىقباەۆ جازدى.
اتاپ ايتقاندا, كٸتاپ شاعاتايشادان قازاقشاعا تۇڭعىش اۋدارىلىپ وتىر. كەنەسارى حان مەن ونىڭ ەۋلەتٸ, ۇلى سۇلتان سىدىق تۋرالى كٶپتەگەن عىلىم ٷشٸن جاڭالىق بولاتىن دەرەكتەر اينالىمعا تٷستٸ. «ناساب نامە سۇلتان سىدىق» ۇلتتىق كٶزقاراسپەن جازىلعان, بٸزدٸڭ حالقىمىزدىڭ مٷددەسٸ تۇرعىسىنان پايىمدالعان تاريحي ەڭبەك.
«جۋىردا عانا وسى كٸتاپتىڭ باسپادان شىعۋىنا سەبەپكەر بولعان بەلگٸلٸ اقىن, جاس عالىم ەربول الشىنباي باۋىرىمىز. تٸكەلەي شاعاتاي تٸلٸنەن قازاقشاعا تۇڭعىش اۋدارىپ وتىر. مەملەكەت باسشىسى قاسىم-جومارت كەمەلۇلى ايتقانداي, «ەربٸر حالىق ٶزٸنٸڭ ارعى-بەرگٸ تاريحىن ٶزٸ جازۋى كەرەك. بٶتەن يدەولوگييانىڭ جەتەگٸندە جٷرۋگە بولمايدى. ۇلتتىق مٷددە تۇرعىسىنان جازىلعان شەجٸرە ۇرپاقتىڭ ساناسىن وياتىپ, ۇلتتىڭ جادىن جاڭعىرتۋعا مٷمكٸندٸك بەرەدٸ». سول باعىتتا وسى كٸتاپتى شىعارۋعا تۋرالى كەلدٸ. ەربول الشىنباي قر پرەزيدەنتٸ باسپاسٶز قىزمەتٸندە ساراپشى بولىپ قىزمەت اتقارادى. پاندەمييا كەزٸندە قاشىقتان جۇمىس ٸستەۋ كەزٸندە قوسىمشا وسى كٸتاپتى اۋدارۋعا تاپسىرما بەردٸك. بۇل جٸگٸت وسى تاپسىرمانى جوعارى دەڭگەيدە ورىنداپ شىقتى دەسەك بولادى», - دەدٸ قر پرەزيدەنتٸنٸڭ باسپاسٶز حاتشىسى بەرٸك ۋەلي.
ٶز كەزەگٸندە ەربول الشىنباي بۇل كٸتاپتى اۋدارۋداعى ماقسات قازاق تٸلدٸ اۋديتورييانى, كونتەنتتٸ ساپالى عىلىمي ەرٸ تاريحي ەڭبەكتەرمەن تولتىرۋعا نەگٸزدەلگەنٸن اتاپ ٶتتٸ.
«وسى كٸتاپ كەنەسارى حاننىڭ جولىن جالعاستىرىپ, كٶپ جىلدار بويى قولىنان قارۋىن تاستاماعان سىدىق سۇلتاننىڭ ٶمٸرٸ ارقىلى تاريحي كەزەڭدٸ تانۋعا, قازاقتى تانۋعا جەنە سول كەزەڭدەگٸ تاريحي تۇلعالاردى تانۋعا سەپتەسەدٸ دەپ ويلايمىز. بٸزدٸڭ تاريحىمىز ٷشٸن ٶتە قۇندى, سونداي-اق وسى كەزگە دەيٸن كٶپ اينالىسقا تٷسپەگەن عىلىمي دەرەكتەر بار», - دەدٸ ە. الشىنباي.
ايتا كەتەيٸك, اتالعان كٸتاپ «Altyn Qyran Foundation» قوعامدىق قورىنىڭ دەمەۋشٸلٸگٸمەن «فوليانت» باسپاسىنان 2 مىڭ دانامەن جارىققا شىقتى. تۇساۋكەسەر رەسٸمٸنە زييالى قاۋىم ٶكٸلدەرٸ, تاريحشىلار, جازۋشىلار قاتىستى.
