ەلوردادا باسپانا تالاپ ەتٸپ, زاڭسىز شەرۋگە شىققان كٶپبالالى انالاردىڭ ەرەكەتتەرٸ زاڭسىز. بۇل تۋرالى بٷگٸن نۇر-سۇلتان قالالىق قوعامدىق دامۋ ٸستەرٸ باسقارماسىنىڭ باسشىسى تالعات راحمانبەردٸ ايتتى, دەپ حابارلايدى "ۇلت اقپارات".
«قر-داعى بەيبٸت شەرۋ مەن ەرەۋٸلدەردٸ ۇيىمداستىرۋ زاڭىنىڭ تالاپتارىنا سەيكەس, بەيبٸت شەرۋ, ميتينگ, ەرەۋٸلدەردٸ جەرگٸلٸكتٸ اتقارۋشى ورگاننىڭ رۇقساتىمەن عانا جاساۋعا بولادى. اتالعان تۇلعالارعا جەرگٸلٸكتٸ اتقارۋشى ورگاندار تاراپىنان رۇقسات بەرٸلمەگەن. سوعان قاراماستان كٶپبالالى انالاردىڭ جەكەلەگەن توپتارى وسىنداي شەرۋلەر ارقىلى ٶزدەرٸنٸڭ جەكە باسىنىڭ مٷددەسٸن, مەسەلەرٸن شەشۋگە تىرىسىپ جاتىر. ول تولىعىمەن زاڭسىز. بٸز ولارمەن تولىعىمەن كەلسٸپەيمٸز. سەبەبٸ كٶتەرگەن مەسەلەلەردٸڭ بارلىعى زاڭسىز», - دەدٸ باسقارما باسشىسى.
ونىڭ اتاپ ٶتٸنش, جەرگٸلٸكتٸ اتقارۋ ورگان – نۇر-سۇلتان قالاسىنىڭ ەكٸمدٸگٸ مۇنداي زاڭسىز شەرۋگە شىققانداردىڭ تۇرعىن ٷي مەسەلەسٸن شەشٸپ بەرە المايدى. تۇرعىن ٷي مەسەلەسٸنە قاتىستى قابىلدانعان زاڭ بار. سول زاڭعا سەيكەس جٷزەگە اسىرىلادى.
«اتالعان زاڭ تالابىنا سەيكەس, تۇرعىن ٷي الۋ ٷشٸن كەزەككە تۇرۋ قاجەت. نۇر-سۇلتان قالاسىندا كەزەككە تۇرعىن ٷي قورى تۇرعىزادى. سول قورعا بارىپ, كەزەككە تۇرىپ, سوعان بايلانىستى باسپانامەن قامتاماسىز ەتٸلەدٸ. ال ٶزٸنٸڭ جەكە باسىنىڭ مٷددەسٸن شەشۋ ٷشٸن زاڭدى بەلٸنەن باسىپ, شەرۋگە شىعىپ, ەرەۋٸلدەتكەن ازاماتتاردىڭ ەرەكەتتەرٸنٸڭ بارلىعى زاڭسىز. بٸز مۇنى اشىق ايتامىز», - دەدٸ تالعات راحمانبەردٸ.
