Elordada baspana talap etip, zańsyz sherýge shyqqan kópbalaly analardyń áreketteri zańsyz. Bul týraly búgin Nur-Sultan qalalyq qoǵamdyq damý isteri basqarmasynyń basshysy Talǵat Rahmanberdi aitty, dep habarlaidy "Ult aqparat".
«QR-daǵy beibit sherý men ereýilderdi uiymdastyrý zańynyń talaptaryna sáikes, beibit sherý, miting, ereýilderdi jergilikti atqarýshy organnyń ruqsatymen ǵana jasaýǵa bolady. Atalǵan tulǵalarǵa jergilikti atqarýshy organdar tarapynan ruqsat berilmegen. Soǵan qaramastan kópbalaly analardyń jekelegen toptary osyndai sherýler arqyly ózderiniń jeke basynyń múddesin, máselerin sheshýge tyrysyp jatyr. Ol tolyǵymen zańsyz. Biz olarmen tolyǵymen kelsipeimiz. Sebebi kótergen máselelerdiń barlyǵy zańsyz», - dedi basqarma basshysy.
Onyń atap ótinsh, jergilikti atqarý organ – Nur-Sultan qalasynyń ákimdigi mundai zańsyz sherýge shyqqandardyń turǵyn úi máselesin sheship bere almaidy. Turǵyn úi máselesine qatysty qabyldanǵan zań bar. Sol zańǵa sáikes júzege asyrylady.
«Atalǵan zań talabyna sáikes, turǵyn úi alý úshin kezekke turý qajet. Nur-Sultan qalasynda kezekke Turǵyn úi qory turǵyzady. Sol qorǵa baryp, kezekke turyp, soǵan bailanysty baspanamen qamtamasyz etiledi. Al óziniń jeke basynyń múddesin sheshý úshin zańdy belinen basyp, sherýge shyǵyp, ereýildetken azamattardyń áreketteriniń barlyǵy zańsyz. Biz muny ashyq aitamyz», - dedi Talǵat Rahmanberdi.
