4-6 قىركٷيەك كٷندەرٸ ەلوردادا ازييا ەلدەرٸ قالامگەرلەرٸنٸڭ تۇڭعىش فورۋمى ٶتەدٸ, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
بۇل تۋرالى قازاقستان جازۋشىلار وداعىنىڭ تٶراعاسى ۇلىقبەك ەسدەۋلەت ورتالىق كوممۋنيكاتسييالار قىزمەتٸندە ٶتكەن بريفينگتە ايتتى.
«ەۋەلدە بۇل فورۋمعا جاپونييالىق, تٷركييالىق نوبەل سىيلىعىنىڭ لاۋرەاتتارى شاقىرىلعان. ٶكٸنٸشكە وراي, ولار كەلە المادى. ەسەسٸنە وڭتٷستٸك كورەيا, كاتار جەنە تٷركييا ەلدەرٸنەن 3 نومينانت كەلە جاتىر. قۇرلىقتا 45 مەملەكەت بار. سونىڭ 44-ٸنەن جازۋشى شاقىرعانبىز. قازٸر 35 ەلدەن 80-گە جۋىق جازۋشى كەلە جاتىر. ۇيىمداستىرۋ جۇمىسىنا مەملەكەت ٶزٸ جەردەم بەرٸپ, قولداۋ كٶرسەتٸپ وتىر. مەملەكەتتٸك حاتشى مارات تەجين مىرزا شارانى ۇيىمداستىرۋعا تٸكەلەي اتسالىسسا, مەملەكەت باسشىسى فورۋمنىڭ اشىلۋىنا قاتىسپاقشى. وسىنىڭ ٶزٸ ەدەبيەتكە دەگەن وڭ كٶزقاراس قالىپتاسقانىن كٶرسەتەدٸ», - دەدٸ ۇلىقبەك ەسدەۋلەت.
قر مەدەنيەت جەنە سپورت ۆيتسە-مينيسترٸ نۇرعيسا دەۋەشوۆ اتالمىش فورۋمدى 3 جىلدا بٸر رەت ٶتكٸزۋ ۇسىنىلاتىنىن ايتادى.
«ازييا قالامگەرلەرٸنە وسى فورۋمدى 3 جىل سايىن ەرتٷرلٸ مەملەكەتتە ٶتكٸزۋدٸ ۇسىنباقپىز. سونداي-اق, ازييا جازۋشىلارى كوميتەتٸن قۇرىپ, شتاب پەتەرٸن نۇر-سۇلتان قالاسىندا اشۋدى جوسپارلاپ وتىرمىز. اۋدارما ٸسٸنە, سونىڭ ٸشٸندە قازاق اۆتورلارىن ازييا تٸلدەرٸنە اۋدارۋ بويىنشا دا ناقتى ۇسىنىستارىمىز بار. فورۋم بارىسىندا وسى تاقىرىپتاردا پٸكٸر الماسىپ, كەلٸسسٶزدەر جٷرگٸزەمٸز», - دەدٸ مينيسترلٸك ٶكٸلٸ.
قازاقستان جازۋشىلار وداعى تٶراعاسىنىڭ ورىنباسارى اقبەرەن ەلگەزەكتٸڭ ايتۋىنشا, 2 كٷنگە سوزىلاتىن شارا بارىسىندا پايدالى دەرٸستەر مەن اشىق پٸكٸرتالاستار ۇيىمداستىرۋ جوسپارلانعان.
«فورۋم جۇمىسى 3 كٷنگە سوزىلادى. ەرتەڭ پلەنارلىق وتىرىسى ٶتەدٸ. ەكٸ بٶلٸمدە 11 سپيكەر بايانداما وقيدى. كەلەسٸ كٷنٸ TED.9 فورماتىندا ارنايى شارا ٶتەدٸ. وندا 10 سپيكەر دەرٸس وقىپ, ەركٸن فورماتتا سۇحباتتاسادى. سونداي-اق, اباي كٶشەسٸنٸڭ بويىندا «قالامگەرلەر اللەياسى» اشىلادى. شارا اياسىندا ورتالىق ازييا قالامگەرلەرٸنٸڭ كەزدەسۋٸ ٶتەدٸ. وندا ۇلى جٸبەك جولى بويىنداعى ەدەبيەتتٸڭ بولاشاعى تۋرالى ايتىلدى. فورۋم شەڭبەرٸندە جاس ازييا قالامگەرلەرٸنٸڭ كەزدەسۋٸ دە جوسپارلانعان», - دەيدٸ ول.
قر پرەزيدەنتٸ ەكٸمشٸلٸگٸ مەن قر مەدەنيەت جەنە سپورت مينيسترلٸگٸنٸڭ قولداۋىمان ٶتەتٸن شارا 4-6 قىركٷيەك كٷندەرٸنە جوسپارلانعان. فورۋمعا نوبەل سىيلىعىنىڭ نومينانتتارى, بۋكەر جەنە ASEAN سىيلىقتارىنىڭ لاۋرەاتتارى, جازۋشىلار وداقتارى مەن قاۋىمداستىقتارىنىڭ تٶراعالارىنان قۇرالعان 90 قوناق كەلەدٸ دەگەن جوسپار بار.
