بيىل ٶزٸنٸڭ 60 جىلدىق مەرەيتويىن اتاپ ٶتەتٸن «قازاقكونتسەرت» ۇيىمى ابايدىڭ 175 جىلدىعىنا وراي ۇلى اقىننىڭ جاڭا ەكسكليۋزيۆتٸ مٷسٸنٸن تانىستىردى, دەپ حابارلايدى قازاقپارات.
مٷسٸن بالاۋىز بەن سيليكون ماتەريالدارىنان جاسالعان. ەلٸمٸزدە سيرەك كەزدەسەتٸن گيپەررەاليستٸك باعىتتاعى مٷسٸننٸڭ اۆتورى – تالانتتى سۋرەتشٸ ەرٸ مٷسٸنشٸ ايدوس ەسماعامبەتوۆ. ول بۇعان دەيٸن ەلباسى نۇرسۇلتان نازارباەۆتىڭ, باراك وبامانىڭ, ابىلاي حاننىڭ جەنە گەنەرال-پولكوۆنيك ساعادات نۇرماعامبەتوۆتٸڭ گيپەررەاليستٸك مٷسٸندەرٸن جاساعان.
«بيىل ۇلى ويشىل, كەمەڭگەر اقىن ابايدىڭ 175 جىلدىعى ەلٸمٸزدە كەڭٸنەن اتاپ ٶتٸلۋدە. اقىننىڭ باعا جەتپەس ەڭبەكتەرٸن دەرٸپتەۋ – بٸزدٸڭ ازاماتتىق پارىزىمىز. ابايعا دەگەن قۇرمەتٸمٸزدٸڭ بٸر بەلگٸسٸ, ۇلى اقىننىڭ تۇلعاسىن دەرٸپتەۋگە ارنالعان ٸس-شارانىڭ بٸرٸ – اباي مٷسٸنٸنٸڭ تۇساۋكەسەرٸ. قازاقستاندا بالاماسى جوق جاڭا تۋىندىنىڭ اۆتورى – گيپەررەاليست مٷسٸنشٸ, «قازاقكونتسەرت» ۇيىمىنىڭ سۋرەتشٸسٸ, 100 جاڭا ەسٸم جوباسىنىڭ جەڭٸمپازى ايدوس ەسماعامبەتوۆ. ول بۇل مٷسٸندٸ بيىل 60 جىلدىق مەرەيتويىن اتاپ ٶتكەن «قازاقكونتسەرت» ۇيىمىنا تارتۋ ەتٸپ وتىر. ماڭىزدى ەكٸ مەرەيتويدى بٸر-بٸرٸمەن وسىلايشا بايلانىستىرىپ, بارشا قازاق ەلٸنە ەرەكشە سىي جاساعان ايدوسقا العىس ايتامىز. ابايدىڭ تۇلعاسى وسىلاي جاڭا قىرىنان ناسيحاتتالۋدا. بۇل مٷسٸن بولاشاقتا ۇلىبريتانيياداعى مادام تيۋسسو مۋزەيٸنەن ورىن الادى دەپ سەنەمٸز», - دەيدٸ «قازاقكونتسەرتتٸڭ» ديرەكتورى, قازاقستاننىڭ ەڭبەك سٸڭٸرگەن قايراتكەرٸ جەڭٸس سەيدوللاۇلى.
ايدوس ەسماعامبەتروۆتىڭ ايتۋىنشا, ۇلى ابايدىڭ وسى مٷسٸنٸن جاساۋعا تٶرت اي ۋاقىت كەتكەن. مٷسٸنگە قاجەتتٸ كەيبٸر ماتەريال قازاقستاندا ساتىلمايدى, سوندىقتان ونى شەتەلدەن ساتىپ الۋعا تۋرا كەلگەن.
«بۇل مٷسٸندٸ جاساۋ ٷشٸن ابايدىڭ سۋرەتٸنٸڭ تٷپنۇسقاسى كەرەك بولدى. ينتەرنەتتە ونىڭ سۋرەتتەرٸ مەن بەينەسٸ كٶپ. بٸراق ول سۋرەتتەردٸ ۇلعايتقان كەزدە بۇلدىراپ كەتەدٸ دە, ونى انىق قاراۋ مٷمكٸندٸگٸ بولمايدى. سوندىقتان اباي مۇراجايىنا حابارلاسىپ, ابايدىڭ تٷپنۇسقا سۋرەتٸن سۇرادىم. سونداي-اق, سول كەزەڭمەن سەيكەس كەلۋٸ ٷشٸن ارنايى شاپانعا دا تاپسىرىس بەردٸم», - دەيدٸ ول.
