نۇر-سۇلتان قالاسى بٸلٸم باسقارماسىنىڭ باسشىسى شولپان قادىروۆا وقۋ جىلىنىڭ بٸرٸنشٸ توقسانىن قورىتىندىلادى, دەپ حابارلايدى قازاقپارات.
«بٸرٸنشٸ توقسان قاشىقتان وقىتۋ فورماتىندا ٶتكەنٸن بٸلەسٸزدەر. سونىمەن بٸرگە, اتا-انالاردىڭ ٶتٸنٸشٸمەن باستاۋىش سىنىپ وقۋشىلارى سانيتارلىق-ەپيدەميولوگييالىق نورمالاردى ساقتاي وتىرىپ, كەزەكشٸ سىنىپتا وقىدى. قالا مەكتەپتەرٸندە 1-4 سىنىپقا دەيٸن بارلىعى 3 011 كەزەكشٸ سىنىپ اشىلىپ, وندا 40 مىڭنان استام وقۋشى بٸلٸم الدى. ال قاشىقتان وقىتۋ ٷشٸن بٸلٸم ۇيىمدارى سينحروندى جەنە اسينحروندى ساباقتار ٶتكٸزەتٸن وتاندىق Online Mektep, Daryn.online ينتەرنەت پلاتفورمالارىن پايدالاندى», - دەپ اتاپ ٶتتٸ باسقارما باسشىسى قالا ەكٸمدٸگٸندە ٶتكەن بريفينگتە.
ونىڭ ايتۋىنشا, 79 مەكتەپ Online Mektep پلاتفورماسىندا, 32 مەكتەپ – Daryn.online پلاتفورماسىندا جۇمىس ٸستەگەن. 29 مەكتەپ – ەكٸ پلاتفورمانى دا پايدالانعان.
ودان بٶلەك, قاشىقتان وقىتۋ فورماتىن جٷزەگە اسىرۋ ٷشٸن Microsoft Teams, Google Meet, EduPage جەنە تاعى باسقا پلاتفورمالار پايدالانىلدى.
بارلىق پەداگوگتار مەن وقۋشىلار Microsoft Teams تەگٸن اككاۋنتتارىمەن قامتاماسىز ەتٸلدٸ. جەنە مەكتەپتەردە اسينحروندى ساباق ٶتكٸزۋ ٷشٸن Kundelik.kz پورتالى بەلسەندٸ قولدانىلعان.
«العاشقى توقساندا كەزٸككەن مەسەلە – قاشىقتان وقىتۋ فورماتىندا بٸر سىنىپتاعى مۇعالٸمدەردٸڭ ەرتٷرلٸ پلاتفورمادا جۇمىس ٸستەۋٸ بولدى. بۇل وقۋشىلاردىڭ ساباققا قوسىلۋىن قيىنداتتى. وسىعان بايلانىستى مۇعالٸمدەرگە قوسىمشا سەمينارلار ٶتكٸزٸلدٸ جەنە مەسەلە شەشٸلدٸ. ەندٸ ەر سىنىپ تەك بٸر پلاتفورمادا جۇمىس ٸستەيدٸ», - دەدٸ شولپان قادىروۆا.
