ەلوردادا قىتاي تاريحشىسى سۋ بەيحايدىڭ «قازاقتىڭ جالپى تاريحى» اتتى 4 تومدىق ەڭبەگٸنٸڭ قازاقشا باسىلىمىنىڭ تۇساۋكەسەرٸ ٶتتٸ, دەپ حابارلايدى "ۇلت اقپارات" قر ۇلتتىق اكادەمييالىق كٸتاپحانانىڭ Instagram پاراقشاسىنا سٸلتەمە جاساپ.
تۇساۋكەسەر رەسٸمٸن ل.ن.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ پرورەكتورى, فيلولوگييا عىلىمدارىنىڭ دوكتورى, اكادەميك ديحان قامزابەكۇلى باسقاردى.
سالتاناتتى رەسٸمگە بەلگٸلٸ تاريحشى, قازاق بٸلٸم اكادەميياسىنىڭ اكادەميگٸ بٷركٸتباي اياعان, ەتنوگراف-عالىم اقەدٸل تويشانۇلى, بەلگٸلٸ تٷركولوگ, فيلولوگييا عىلىمدارىنىڭ دوكتورى قارجاۋباي سارتقوجاۇلى, تٷركٸتانۋشى عالىم نەپٸل بازىلحان جەنە باسقا دا زييالى قاۋىم ٶكٸلدەرٸ قاتىستى.
تٶرت تومنان تۇراتىن ٸرگەلٸ ەڭبەكتٸڭ اۆتورى قىتاي تاريحشىسى سۋ بەيحاي, ال قازاق تٸلٸنە اۋدارعان ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ شىعىستانۋ كافەدراسىنىڭ پروفەسسورى تۇرسىنحان زەكەنۇلى.
زەرتتەۋ جۇمىسى قازاق حالقىنىڭ ەرتە زاماننان XX عاسىردىڭ العاشقى جارتىسىنا دەيٸنگٸ تاريحىن تٶرت كەزەڭگە بٶلٸپ قاراستىرعان. كٸتاپتا جازۋشى قازاق ەتنوگەنەزٸ مەن مەملەكەتتٸلٸگٸنٸڭ نەگٸزٸن بٸزدٸڭ دەۋٸرٸمٸزگە دەيٸنگٸ ساق, ٷيسٸن زامانىنان باستاپ, تٷرگەش قاعاناتىن قازاق جەرٸن ەڭ العاش بٸرٸكتٸرگەن قاعانات (مەملەكەت) رەتٸندە قاراستىرادى. ەڭبەكتە قازاق تاريحىنىڭ حرونولوگييالىق شەڭبەرٸ كەڭەيتٸلٸپ, مازمۇنى بارىنشا بايىتىلعان.
شارانىڭ شىمىلدىعىن اشقان ديحان قامزابەكۇلى «قازاقتىڭ جالپى تاريحى» اۋدارما ەڭبەگٸنٸڭ تەۋەلسٸزدٸك جىلدارى قازاق تاريحى زەرتتەۋ جۇمىسىنداعى اۋىز تولتىرىپ ايتارلىقتاي ٸرٸ ەڭبەك ەكەنٸن ايتتى.
«پرەزيدەنت قاسىم-جومارت توقاەۆ وسىدان 15 جىل بۇرىن ەلٸمٸزدٸڭ سىرتقى ٸستەر مينيسترٸ بولىپ تۇرعان كەزٸندە تۇرسىنحان زەكەنۇلىنا ارنايى حات جازىپ, سۋ بەيحايدىڭ ەڭبەگٸن قازاق وقىرماندارىنا جەتكٸزۋ تۋرالى ايتقان. بٷگٸنگٸ كٷنٸ, وسى ەڭبەك عىلىمي جوبانىڭ اياسىندا وقىرمانعا جول تارتىپ وتىر»-,دەدٸ ديحان قامزابەكۇلى.
ايتا كتەتيٸك, «قازاقتىڭ جالپى تاريحى» قازاق تٸلٸنە اۋدارىلىپ باسىلىپ شىققاننان كەيٸن, پرەزيدەنت توقاەۆ تۇرسىنحان زەكەنۇلىنا قۇتتىقتاۋ حاتىن جولدادى.
