نۇر-سۇلتان قالاسىنىڭ تەرتٸپ ساقشىلارى بٸر ساۋدا ٷيٸندە 6 رەت ۇرلىق جاساعان ەر ادامدى ۇستادى, دەپ حابارلايدى "ۇلت اقپارات" پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
پوليتسييا دەپارتامەنتٸنە ساۋدا ٷيلەردٸڭ بٸرٸندەگٸ بٸرنەشە ساتۋشىدان ارىز تٷسكەن. تەرتٸپ ساقشىلارى تاۋارلار مەن جەكە زاتتاردىڭ ۇرلىعىنا قاتىستى جەدەل ٸزدەستٸرۋ جۇمىستارىن جٷرگٸزٸپ, نەتيجەسٸندە 53 جاستاعى ەلوردا تۇرعىنىن ۇستادى.
«تەرگەۋ بارىسىندا انىقتالعانداي, كٷدٸكتٸ اراعا بٸرنەشە كٷن سالىپ بٸر ساۋدا ٷيٸنەن 6 رەت ۇرلىق جاساعان. ول ساۋدا ٷيٸندە بۋتيككە كليەنتتەر كٸرگەن كەزدە ساتۋشىنىڭ سوعان قىزمەت كٶرسەتٸپ جاتقان سەتٸن پايدالانىپ, «HUAWEI» ماركالى تەلەفونىن ۇرلاپ كەتكەن. الايدا ۇرلىق فاكتٸسٸ بۋتيكتەگٸ بەينەباقىلاۋ كامەراسىنا تٷسٸپ قالعان. ەر ادام وعان دەيٸن دە ۇرلىق جاساعان», - دەلٸنگەن حابارلامادا.
كٷدٸكتٸ وسىلايشا ۇيالى تەلەفون, تٶسەك جاپقىشتى, تاعى باسقا تاۋاردى ۇرلاپ ٷلگەرگەن. جارتىسىن ساتىپ جٸبەرگەن. ساتۋشىلارعا 500 مىڭ تەڭگەگە جۋىق شىعىن كەلتٸرگەن.
اتالعان ٸس بويىنشا قىلمىستىق كودەكستٸڭ 188-بابىمەن قىلمىستىق ٸس قوزعالدى. كٷدٸكتٸ قاماۋعا الىندى.
