نۇر-سۇلتان پوليتسەيلەرٸ كٶپٸردەن سەكٸرمەك بولعان ەر ادامدى قۇتقارىپ قالدى, دەپ حابارلايدى "ۇلت اقپارات" ەلوردالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
كەشە كەشكٸ 19:15 كەزٸندە نۇر-سۇلتان قالاسىنىڭ جەدەل باسقارۋ ورتالىعىنا كٶلٸككە جانارماي قۇيۋ ستانساسىنىڭ قاسىنداعى كٶپٸردەن ەر ادامنىڭ سەكٸرۋگە ەرەكەتتەنٸپ تۇرعانى تۋرالى حابارلاما كەلٸپ تٷسكەن.
پاترۋلدٸك پوليتسييانىڭ ەكٸ ەكيپاجى وقيعا ورنىنا ٷش مينۋتتا كەلٸپ جەتتٸ.
جاس جٸگٸت كٶپٸر تايانىشىن ۇستاپ, تەمٸر جولعا سەكٸرۋگە دايىندالىپ تۇردى. جاعدايدى باعالاعان پوليتسەيلەر جٸگٸتپەن الىستان سٶيلەسٸپ, كٶڭٸلٸن باسقاعا اۋدارماق بولدى.
وسى ۋاقىتتا پاترۋلدٸك پوليتسييا قىزمەتكەرٸ جاندوس تۇراشەۆ وڭتايلى سەتتٸ پايدالانىپ, جٸگٸتكە جاقىنىراق كەلٸپ, ونى قاتتى قاپسىرىپ ۇستاپ الدى.
جاس جٸگٸت قارسىلىق تانىتىپ, باستاعان ٸسٸن اياقتاماق بولعان. پوليتسەيلەردٸڭ جەدەل ەرٸ رەتكە كەلتٸرٸلگەن ٸس-ەرەكەتٸنٸڭ ارقاسىندا ەر ادامنىڭ ٶمٸرٸ امان قالدى.
ەلوردانىڭ 26 جاستاعى تۇرعىنى قالالىق اۋرۋحاناعا جەتكٸزٸلدٸ, مۇندا وعان مەديتسينالىق جەنە پسيحولوگييالىق كٶمەك كٶرسەتٸلدٸ.
