نۇر-سۇلتان قالاسىنىڭ ەكٸمدٸگٸ كٶپبالالى جەنە جالعىزباستى انالاردىڭ كەسٸپ باستاۋىنا كٶمەك كٶرسەتەدٸ, دەپ حابارلايدى قازاقپارات تٸلشٸسٸ.
ەكٸمدٸكتٸڭ جەنە كەسٸپكەرلەردٸڭ كٶمەگٸمەن ٷشٸنشٸ توپتاعى مٷگەدەك, جالعىزباستى انا گٷلنۇر جالعاسوۆا بالمۇزداق بيزنەسٸن باستادى. ونىڭ وتباسى جەتٸ جىلدان بەرٸ ەلوردادا پەتەر جالداپ تۇرادى.
«بٷگٸنگٸ كٷنگە دەيٸن تٷرلٸ جۇمىس ٸستەپ كٶردٸم. مٷگەدەكتٸگٸم بار, تەۋلٸگٸنە ساعاتتاپ جۇمىس ٸستەۋگە شامام جوق. قولايلى جۇمىس بولماعاسىن, جەكە كەسٸپكەرلٸك اشۋدى ويلاپ, ەكٸمدٸكتەن كٶمەك, كەڭەس سۇرادىم. ولار ەلەۋمەتتٸك كٶمەك كٶرسەتەتٸن كەسٸپكەرمەن تانىستىردى. كەسٸپكەر ٶز دٷكەنٸنٸڭ الدىنان تەگٸن ورىن بەردٸ. ٶزٸم دە 300 مىڭ تەڭگە اقشا جيناپ, توڭازىتقىش پەن اربا ساتىپ الدىم. وسىلايشا, بٸر ايدا ٶز بيزنەسٸمدٸ باستاپ كەتتٸم», - دەيدٸ گ. جالعاسوۆا.
گٷلنۇر تابىسىنىڭ بٸر بٶلٸگٸن تۇرعىن ٷي قۇرىلىس جيناق بانكٸندەگٸ ەسەپشوتىنا اۋدارادى.
«ايىنا 35 مىڭ تەڭگەدەن تۇرعىن ٷي قۇرىلىس جيناق بانكٸنە تٶلەيمٸن. قىسقا دەيٸن ٶز پەتەرٸمدٸ الام دەپ ٷمٸتتەنٸپ جٷرمٸن. تابىسىم دا جاقسارىپ قالدى. شامامەن استانا قالاسىنداعى ورتاشا ايلىقتى تاۋىپ جٷرمٸن. پەتەراقىعا, بالالارىما, ٶزٸمە جەتەدٸ. مٷگەدەكپٸن دەپ بٸرەۋدٸڭ قولىنا قاراپ وتىرعىم كەلمەدٸ. ەركٸم ٶز وتباسىن ٶزٸ اسىراۋى كەرەك دەپ ەسەپتەيمٸن. ٶزٸم سيياقتى مٷمكٸندٸگٸ شەكتەۋلٸ ادامداردى جۇمىسقا الىپ, كەسٸبٸمدٸ ەرٸ قاراي دامىتقىم كەلەدٸ. قىستا ساۋدا ورىندارىمەن سٶيلەسٸپ, جىلى ورىن ٸزدەستٸرەمٸن», - دەيدٸ ول.
تاعى بٸر كٶپبالالى, جالعىزباستى انا گٷلميرا سالىباەۆاعا ەكٸمدٸك ٶز ٷيٸنٸڭ ماڭىنان جەمٸس-جيدەك ساتاتىن دٷڭگٸرشەك ورناتىپ بەردٸ. ونىڭ 10, 8, 7 جاستاعى جەنە 8 ايلىق بالالارى بار.
«2012 جىلى بالالارىمدى الىپ, وڭتٷستٸك قازاقستاننان استاناعا قونىس اۋداردىم. پەتەر جالداپ تۇردىق. كوندۋكتور بولىپ جۇمىس ٸستەدٸم. بالالاردىڭ ەكەسٸ كەلدٸ, بٸراق تاعى تاستاپ كەتتٸ. بالا كٷتٸمٸمەن ٷيدە وتىرعاندىقتان, 6 بالاسى بار سٸڭلٸمە كٶشٸپ باردىم. ول دا جالعىزباستى. ٷيدە وتىرعان سوڭ, ەكٸمدٸككە بارىپ, جەمٸس-جيدەك ساتاتىن ورىن الۋعا كٶمەك سۇرادىم. باستاپقىدا كٶمەكتەسسە, ٶزٸم دٶڭگەلەتٸپ ەكەتەمٸن. ولار ٷيدٸڭ قاسىنا دٷڭگٸرشەك ورناتىپ, جارىق جالعاپ, ٸشٸندەگٸ جەمٸس-جيدەك, كٶكٶنٸستەرگە دەيٸن تولتىرىپ بەردٸ. مۇنداي كٶمەك بولارىن كٷتپەدٸم», - دەيدٸ گ. سالىباەۆا.
ەندٸ گٷلميرا سٸڭلٸسٸمەن بٸرگە جۇمىس ٸستەپ, بالالارعا قارايلاسىپ, ساتۋ ورىندارىن كٶبەيتكٸسٸ كەلەدٸ.
«ەلوردا ەكٸمدٸگٸ كٶمەك سۇراپ كەلگەن بارلىق انالارعا جەردەمدەسۋگە تىرىسادى. وقۋعا, كۋرسقا بارا المايتىن, بٸلٸكتٸلٸگٸن كٶتەرۋگە ۋاقىتى جەتپەيتٸن, قاراجات تاباتىن مٷمكٸندٸگٸ جوق كٶپبالالى انالار بار. ولار بٸزگە كٸشٸگٸرٸم بيزنەس-جوسپارلارىن ەكەلەدٸ. نەمەن اينالىسقىسى كەلەتٸنٸن, قاي اۋدان, قاي كٶشەنٸڭ ىڭعايلى بولاتىنىن ايتادى. بيزنەستٸڭ ەلەۋمەتتٸك جاۋاپكەرشٸلٸگٸ اياسىندا, كەسٸپكەرلەرمەن بٸرلەسٸپ, مٷمكٸندٸگٸنشە كٶمەكتەسۋگە تىرىسامىز», - دەدٸ نۇر-سۇلتان قالاسى ەكٸمٸنٸڭ باسپاسٶز حاتشىسى ەلۆيرا جٷرگەنباەۆا.
ونىڭ ايتۋىنشا, كەسٸپكەرلٸك كٶمەكتە بالاسى كٶپ, مٷمكٸندٸگٸ شەكتەۋلٸ نەمەسە اسىراۋشىسى جوق, كەدەيلٸكتٸڭ شەگٸنە جەتكەن وتباسىلارعا باسا مەن بەرٸلەدٸ.
ايتا كەتەيٸك, ەلوردالىق «بەرەكەلٸ باسپانا» باعدارلاماسى اياسىندا «كٶپبالالى وتباسى» ساناتىندا تۇرعىن 150 ارەندالىق پەتەرگە سەرتيفيكات بەرۋ باستالدى.
ارەندا قۇنى - پەتەردٸڭ ەربٸر شارشى مەترٸنە 70 تەڭگەدەن. ياعني, ورتا ەسەپپەن كٶپبالالى وتباسىلار ايىنا 6-7 مىڭ تەڭگەگە پەتەر جالداپ تۇرا الادى.
«كٶپبالالى وتباسى» ساناتىندا تۇرعىن ٷي كەزەگٸندە تۇرعاندار نۇر-سۇلتان قالاسى ەكٸمدٸگٸنٸڭ «تۇرعىن ٷي قورى» كوممۋنالدىق مەملەكەتتٸك مەكەمەسٸنە (ر.قوشقارباەۆ كٶشەسٸ 39) جٷگٸنۋٸ تيٸس (بايلانىس نٶمٸرٸ: 79-34-50).
بٷگٸندە ەلوردادا 46 مىڭ ادام تۇرعىن ٷي كەزەگٸندە تۇر. ونىڭ 3 مىڭنان استامى - كٶپبالالى وتباسى.
