رەسەيدەگٸ قازاقستان ەلشٸلٸگٸنٸڭ ۇيىتقى بولۋىمەن اقىن سارا بەينەسٸ سومدالعان تەڭدەسٸ جوق قىلقالام تۋىندىلارى مەن مٷسٸندەر ەلٸمٸزگە جٸبەرٸلدٸ, دەپ حابارلايدى elorda.info.
12 تۋىندىنىڭ اۆتورى - 1907-2005 جىلدار ارالىعىندا ٶمٸر سٷرگەن رەسەيلٸك سۋرەتشٸ, مٷسٸنشٸ, ارحيتەكتور مارگاريتا ۆاششەنكو.
ول الماتى وبلىسىندا ەڭبەك ەتكەن 1955-1960 جىلدار ارالىعىندا وسى سۋرەتتەردٸ سالعان. اقىن ساراعا قاتىستى قۇندى تۋىندىلارمەن بٸرگە ٶنەر يەسٸنٸڭ قازاقستاندا ەڭبەك ەتكەن جىلدارى جيناعان ارحيۆ قۇجاتتارى, حاتتار مەن گازەت ٷزٸندٸلەرٸ دە ەلٸمٸزگە قايتارىلدى. مارگاريتا ۆاششەنكو الماتى وبلىسى اقسۋ اۋدانىنىڭ جانسٷگٸروۆ جەنە كٶشكەنتال اۋىلدارىندا اقىن سارانىڭ مٷسٸندەرٸن, جانسٷگٸروۆ اۋىلىندا يلياس جانسٷگٸروۆتىڭ مٷسٸنٸن جەنە تالدىقورعان وبلىستىق مۇراجايىندا عاني مۇراتباەۆتىڭ بەينەسٸن جاساعان اتاقتى ارحيتەكتور.
وسى كٷنگە دەيٸن سۋرەتتەر توپتاماسىن كٶزٸنٸڭ قاراشىعىنداي ساقتاپ كەلگەن گەلييا تيموفەەۆا, بۇل انامنىڭ ماعان قالدىرعان اماناتى, سونى بٷگٸن ورىنداۋدىڭ رەتٸ تٷستٸ دەيدٸ. «ناق-بٸرلٸك» قوعامدىق ۇيىمنىڭ تٶرايىمى, الماتى وبلىسى انالار القاسىنىڭ مٷشەسٸ سالتانات مەڭلٸباەۆانىڭ ايتۋىنشا, اقىن سارانىڭ عاسىرلىق تويىن تويلاعان كەزدە گەلييا تيموفەەۆا اناسىنىڭ قالدىرىپ كەتكەن مۇراسىن سىيعا تارتپاق نيەتٸن حاتى ارقىلى بٸلدٸرگەن. سول كەزدەن بەرٸ گەلييا تيموفەەۆامەن حات جازىسىپ كەلگەن قوعام باسشىسى, ەندٸ قۇندى مۇرالار الماتى وبلىسى اقسۋ اۋدانى قاپال اۋىلىنداعى اقىن سارانىڭ مۇراجايىندا ساقتالاتىنىن ايتادى. گەلييا تيموفەەۆانىڭ ايتۋىنشا, اناسى سارا اقىننىڭ بەينەسٸن تۋعاندارى مەن جاقىندارىنىڭ سۋرەتتەۋٸنشە بەينەلەگەن ەكەن.
ەستەرٸڭٸزگە سالا كەتەيٸك, سارا تاستانبەكقىزى (1853-1907) - اتاقتى سۋىرىپ سالما اقىن, سٶز مايتالمانى, ايتىس ٶنەرٸنٸڭ قايتالانباس شەبەرٸ. الماتى وبلىسىنىڭ قاپال اۋدانىندا دٷنيەگە كەلگەن. سارا تاستانبەكقىزىنىڭ بٸرجان سالمەن ايتىسى عاسىردان عاسىرعا ٷزٸلمەي جالعاسىپ كەلە جاتقان قازاقتىڭ ايتىس ٶنەرٸنٸڭ شوقتىعى بيٸك, كٶركەم ٷلگٸسٸ.
