فوتو: ULT.KZ
قاراعاندى وبلىسىنىڭ ساران قالاسىندا قۋاتتىلىعى جىلىنا 3,5 ملن شينا شىعاراتىن زاۋىت جۇمىس ٸستەپ جاتىر. بۇل زاۋىت ەلٸمٸزدەگٸ العاشقى جەنە جالعىز شينا ٶندٸرۋشٸ زاۋىت. جەڭٸل جەنە جٷك كٶلٸكتەرٸنە ارنالعان شينالار "Attar" برەندٸمەن شىعارىلادى.
2021 جىلدىڭ 5 سەۋٸرٸندە قۇرىلىسى باستالعان مەكەمە 2024 جىلى ٸسكە قوسىلىپ, جۋىق ارادا العاشقى 1 ميلليونىنشى شيناسىن شىعارماق.
فوتو: ULT.KZ
شينا زاۋىتىنىڭ ديرەكتورى بۋرگانوۆ راديي فاريدۇلىنىڭ ايتۋىنشا "Attar" شينالارىن قازاقستان ازاماتتارى تۇتىناتىن بولادى جەنە ەۋروپا مەن ورتا ازييا ەلدەرٸنە ەكسپورتتالادى.
سۋرەتتە راديي بۋرگانوۆ. ULT.KZ
"بٸزدٸڭ شينالار نارىقتىق باعادا ساتىلاتىن بولادى. قازٸرگٸ ۋاقىتتا قازاقستاندا جالعىز شينا زاۋىتى - بٸز. بٸراق باسقا ەلدەردە مۇنداي زاۋىتتار كٶپ. بٸز ساپاسى جوعارى شينالار شىعارۋ ارقىلى نارىققا ورنىعامىز دەپ ويلايمىز. بٸز ەڭ بٸرٸنشٸ ساپاعا مەن بەرەمٸز", - دەيدٸ راديي فاريدۇلى.
فوتو: ساپاسى تەكسەرٸلٸپ جاتقان شينا. ULT.KZ
اۋماعى 76,8 گا جەردٸ الىپ جاتقان زاۋىتقا 228,8 ملرد تەڭگە ($520,2 ملن) ينۆەستيتسييا تارتىلعان ەكەن, ونىڭ 140 ملرد تەڭگەسٸ (58%) تٸكەلەي شەتەلدٸك ينۆەستيتسييا كٶرٸنەدٸ.
"ٶندٸرٸس كەزەڭنٸڭ بارىسىندا شيكٸزاتتى دايىنداۋ, قوسپالاردى ەزٸرلەۋ, "جاسىل" شينانى جيناۋدان باستاپ ۆۋلكانيزاتسيياعا دەيٸنگٸ ساپانى باقىلاپ, بارلىق تەحنولوگييالىق پروتسەستەردٸ بٸرىڭعاي رەتتٸك جٷيەدە جٷزەگە اسىراتىن تولىق تسيكلدى قامتيدى. زاۋىتتا 800-گە جۋىق جابدىق ورناتىلعان. ياعني شينالاردى ٶندٸرۋ پروتسەسسٸ تولىقتاي ٶزٸمٸزدە جٷزەگە اسادى", -دەپ وتىر زاۋىت ديرەكتورى.
كەسٸپورىن بەلسەندٸ دامىپ كەلەدٸ جەنە ٶز قىزمەتكەرلەرٸ ٷشٸن قولايلى جاعداي جاساۋعا تىرىسۋدا. قازٸرگٸ ۋاقىتتا زاۋىتتا 530-دان استام قىزمەتكەر جۇمىس ٸستەيدٸ. ولاردىڭ سانىن 1 125 ادامعا دەيٸن ارتتىرۋ جوسپارلانىپ وتىر ەكەن.
"بٸزدٸڭ قىزمەتكەرلەر نەگٸزٸنەن وسى قاراعاندى وبلىسى مەن ساران قالاسىنىڭ تۇرعىندارى. سوندىقتان ولاردى جۇمىس ورنىنا دەيٸن تەگٸن تاسىمالدايمىز, اسحانامىزدا تاماقتانۋعا 62% جەڭٸلدٸك جاسالعان. مىسالى ولاردىڭ تٷسكٸ استارى جەڭٸلدٸگٸمەن شامامەن 500 تەڭگە شىعادى. بيىل سەۋٸر ايىنان باستاپ جالاقىنى 12%-عا يندەكستەۋ جٷرگٸزٸلدٸ. سونىمەن بٸرگە, ساران ەكٸمدٸگٸمەن بٸرلەسٸپ قىزمەتكەرلەر ٷشٸن جەڭٸلدەتٸلگەن تۇرعىن ٷي باعدارلاماسى دايىندالۋدا", -دەيدٸ راديي بۋرگانوۆ.
كەسٸپورىندا ورتاشا جالاقى 366 مىڭ تەڭگەدەن اسادى ەكەن. زاۋىت ديرەكتورىنىڭ سٶزٸنشە كەسٸپورىندا قۇرىلعىلار اۆتوماتتاندىرىلعان, كومپيۋتەرمەن باسقارىلادى.
فوتو: ULT.KZ
زاۋىت تاراپىنان پاتروناج مەكتەبٸ مەن ۇلى وتان سوعىسىنىڭ بالالارىن قولداۋعا ارنالعان باعدارلامالارىن ٸسكە اسىرۋدا. سونداي-اق, ساران كوللەدجٸنٸڭ ستۋدەنتتەرٸ ٷشٸن تاعىلىمدامالار ۇيىمداستىرىلدى. بۇل جاس ماماندارعا تەجٸريبە الۋعا جەنە كومپانييادا مانساپ باستاۋعا مٷمكٸندٸك بەرەدٸ. سونىمەن قاتار, قىزمەتكەرلەر ٷشٸن ەرتٷرلٸ كورپوراتيۆتٸك ٸس-شارالار, سونىڭ ٸشٸندە سپورتتىق تۋرنيرلەر مەن مەرەكەلٸك ٸس-شارالار ۇيىمداستىرىلادى. دەستٷر بويىنشا قىزمەتكەرلەردٸڭ بالالارىنا جاڭا جىلعا سىيلىقتار بەرۋ, قۋانىش پەن مەرەكەلٸك كٶڭٸل-كٷي سىيلاۋ قالىپتاسقان.
سۋرەتتە ەۆگەنيي دانيليۋك. ULT.KZ
پروتەكتورلى اگرەگات ماشينيستٸ ەۆگەنيي دانيليۋك زاۋىت قۇرىلعالى جۇمىس ٸستەپ كەلەدٸ ەكەن. ونىڭ سٶزٸنشە مەكەمە قىزمەتكەرلەرگە بارلىق جاعداي جاساعان.
"بٸز تەجٸريبەدەن ٶتٸپ, بٸلٸكتٸلٸگٸمٸزدٸ ارتتىرىپ تۇرامىز. ٶزٸم 2000-شى جىلدارى اۆتو-دەنەكەرلەۋشٸ ماماندىعى بويىنشا ورتا-كەسٸپتٸك بٸلٸم العانمىن. بٸراق مانساپتا ٶسۋ ٷشٸن جوعارعى وقۋ ورنىنا تٷسۋدٸ ويلاپ جٷرمٸن. زاۋىتتا جاعدايىمىز جاسالعان, جالاقىمىز كٶڭٸلٸمٸزدەن شىعادى. تٸپتٸ اسحانامىز الىس دەگەن شاعىمىمىزعا جەتكٸزۋ قىزمەتٸن ۇيىمداستىرىپ بەردٸ. ەدەمٸ شكافىم, جۇمساق كرەسلوم بار. ودان ارتىق نە كەرەك?" -دەپ جىميدى ەۆگەنيي دانيليۋك.
فوتو: ULT.KZ
جوبانى جٷزەگە اسىرۋدىڭ بارلىق كەزەڭٸندە تاتنەفت توبىنىڭ (نيجنەكامسك جەنە ۆسەۆولوجسك قالالارىنداعى شينا زاۋىتتارى) شينا ٶندٸرٸستەرٸندە بٸلٸكتٸلٸكتٸ ارتتىرا وتىرىپ, ٶندٸرٸستەگٸ قىزمەتكەرلەرگە بەرٸلگەن بٸلٸمدٸ تەجٸريبەدە قولدانۋعا مٷمكٸندٸك بەردٸ. قىزمەتكەرلەردٸڭ الاتىن بٸلٸكتٸلٸگٸ مەن ماماندىعىنا بايلانىستى وقۋ جەنە تاعىلىمداما ۇزاقتىعى 6 ايدان 18 ايعا دەيٸن سوزىلدى. كەسٸپورىن قىزمەتكەرلەرگە كەسٸبي تۇرعىدا جەتٸلۋٸنە جەنە ٶركەندەۋٸنە كٶمەكتەسەتٸن ەرتٷرلٸ وقىتۋ جەنە دامىتۋ باعدارلامالارىن ۇسىنادى.
فوتو: ULT.KZ
