ۇلتتىق بانك قازٸرگٸ ۋاقىتتاعى سىرتقى قارىزدىڭ كٶلەمٸن جارييالادى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
قر ۇلتتىق بانكٸ تٶراعاسىنىڭ ورىنباسارى الپىسباي احمەتوۆتٸڭ ايتۋىنشا, 2017 جىلدىڭ 1 شٸلدەسٸندەگٸ جاعداي بويىنشا قازاقستان رەسپۋبليكاسىنىڭ سىرتقى قارىزى 167,9 ملرد اقش دوللارىن قۇراپ وتىر.
ونىڭ ٸشٸندە 7,9 پايىزى نەمەسە 13,2 ملرد دوللار - مەملەكەتتٸك سەكتوردىڭ, 3,7 پايىز نەمەسە 6,2 ملرد دوللار - بانك سەكتورىنىڭ, 25,2 پايىز نەمەسە 42,4 ملرد دوللار - باسقا دا سەكتورلاردىڭ, قالعان 63,2 پايىزى نەمەسە 106,1 ملرد دوللار - فيرماارالىق سەكتورلاردىڭ قارىزى.
«مەملەكەتتٸك سەكتوردىڭ سىرتقى قارىزى حالىقارالىق قارجى نارىعىنا شىعارىلعان ەركٸن ەۆرووبليگاتسييالاردىڭ قۇنىنىڭ ٶسۋٸنە بايلانىستى جەنە ۇلتتىق بانكتٸڭ قىسقا مەرزٸمدٸ نوتالارىنا رەزيدەنت ەمەس تاراپتاردان سۇرانىستىڭ ارتۋىنا بايلانىستى 0,4 ملرد دوللارعا كٶبەيدٸ. بانكتەردٸڭ (ەكٸنشٸ دەڭگەيلٸ بانكتەر مەن «قازاقستاننىڭ دامۋ بانكٸ» اق) سىرتقى مٸندەتتەمەلەرٸ 1,0 ملرد اقش دوللارىنا ازايدى. ونىڭ ٸشٸندە, قازٸرگٸ سىرتقى قارىز بەن ەۆرووبليگاتسييالاردى جوسپارلى تٷردە ٶتەۋ بار», - دەدٸ ول.
الپىسباي احمەتوۆ فيرماارالىق قارىزداردىڭ 1,8 ملرد اقش دوللارىنا دەيٸن كٶبەيۋٸنٸڭ سەبەبٸن تٷسٸندٸردٸ.
«مۇناي-گاز جوبالارىن قارجىلاندىرۋدىڭ جالعاسۋىنا ەرٸ ينۆەستورلاردىڭ الدىنداعى ديۆيدەنتتەرمەن قارىز سىياقىلارىن ٶتەمەۋ سەبەپتەرٸنە بايلانىستى فيرماارالىق قارىزدار 1,8 ملرد اقش دوللارىنا دەيٸن كٶبەيدٸ», - دەدٸ ول.
