قر مەدەنيەت جەنە سپورت مينيسترلٸگٸ تۋريزم يندۋستريياسى كوميتەتٸنٸڭ تٶراعاسى داستان رىسبەكوۆ قازاقستانداعى بارلىق كۋرورتتىق ورىنداردا وسى جىلدىڭ جازعى تۋريستٸك ماۋسىمىنىڭ سوڭىنا دەيٸن بوس ورىندار قالماعانىن مەلٸم ەتتٸ, دەپ حابارلايدى قازاقپارات.
«ەلٸمٸز تٶتەنشە جاعدايدان شىققاننان كەيٸن تۋريستٸك بيزنەس سالاسىندا بٸزدٸڭ مينيسترلٸك دەنساۋلىق ساقتاۋ مينيسترلٸگٸمەن بٸرلەسٸپ, قىزمەت كٶرسەتۋشٸلەر مەن دەمالۋشىلاردىڭ سانيتارلىق-ەپيدەميولوگييالىق قاۋٸپسٸزدٸگٸن قامتاماسىز ەتە وتىرىپ, كارانتيندٸك شەكتەۋلەر جاعدايىندا كۋرورتتار, دەمالىس ايماقتارى مەن شيپاەايلار جۇمىسىنىڭ الگوريتمٸن جەدەل ەزٸرلەدٸ. اتالعان الگوريتمدەر ورنالاسۋ ورىندارىنىڭ بارلىق مەنشٸك يەلەرٸنە جەتكٸزٸلدٸ. ايتا كەتەرلٸگٸ, بيزنەس بۇل مەسەلەگە جاۋاپكەرشٸلٸكپەن قاراپ, تۋريستٸك ماۋسىمنىڭ باستالۋىنا دايىندالۋ, قورعانىس قۇرالدارىن ساتىپ الۋ, نىساندارداعى قاۋٸپسٸزدٸكتٸ قامتاماسىز ەتۋ بويىنشا بارلىق تالاپتى ساقتاي وتىرىپ, جۇمىستى ۇيىمداستىردى», - دەدٸ داستان رىسبەكوۆ وكق-دا ٶتكەن باسپاسٶز مەسليحاتىندا.
ونىڭ ايتۋىنشا, قالالار مەن وبلىستاردىڭ ەكٸمدٸكتەرٸندە تۋريستٸك نىسانداردى قابىلدانعان الگوريتمدەرگە سەيكەستٸگٸن تەكسەرەتٸن تۇراقتى مونيتورينگ توپتارى قۇرىلعان.
«وسىلايشا ٸشكٸ تۋريزم سالاسىندا جۇمىس ٸستەۋگە جەنە كليەنتتەر الدىنداعى ٶز مٸندەتتەمەلەرٸن ورىنداۋعا مٷمكٸندٸك بەرٸلدٸ. بٸزدٸڭ مەلٸمەتتەرٸمٸز بويىنشا بارلىق كۋرورتتىق ورىندا وسى جىلدىڭ جازعى تۋريستٸك ماۋسىمىنىڭ سوڭىنا دەيٸن برونداۋ ٷشٸن بوس ورىندار قالعان جوق», - دەدٸ ول.
