فوتو: ٷكٸمەت
قازاقستاننىڭ ماشينا جاساۋ سالاسى بيىل 149 مىڭ اۆتوكٶلٸك شىعارىپ, ٶندٸرٸس كٶلەمٸن 5%-عا ارتتىرادى دەپ كٷتٸلۋدە, دەپ حابارلايدى Ult.kz.
2024 جىلى 134 مىڭ بٸرلٸك اۆتوكٶلٸك ٶندٸرٸلگەن بولاتىن. ٶسٸمگە الماتىداعى Astana Motors Manufacturing Kazakhstan زاۋىتىنىڭ جۇمىسى ىقپال ەتتٸ. بۇل كەسٸپورىندا Chery, Haval جەنە Changan ماركالارىنىڭ كٶلٸكتەرٸ قۇراستىرىلادى. جوباعا 202 ملرد تەڭگە ينۆەستيتسييا سالىنىپ, جىلىنا 120 مىڭ اۆتوكٶلٸك ٶندٸرۋ جەنە 3,6 مىڭ جاڭا جۇمىس ورنىن قۇرۋ جوسپارلانعان.
سونىمەن قاتار, قوستانايدا جىلىنا 70 مىڭ اۆتوكٶلٸك شىعاراتىن Kia قازاقستان زاۋىتىنىڭ قۇرىلىسى جالعاسۋدا. زاۋىتقا قۇيىلعان ينۆەستيتسييا كٶلەمٸ 90 ملرد تەڭگەنٸ قۇراسا, جۇمىسشىلار سانى 1,5 مىڭعا جەتپەك. بۇل جوبا ٶڭٸردٸڭ اۆتوموبيل جاساۋ ورتالىعى رەتٸندەگٸ پوزيتسيياسىن نىعايتۋعا باعىتتالعان.
الماتىنىڭ يندۋستريالدى ايماعىندا Almaty Autoparts Production كەسٸپورنى ٸسكە قوسىلىپ, جىلىنا 100 مىڭعا دەيٸن اۆتوكرەسلو ٶندٸرۋدٸ باستادى. ٶنٸمدەر Hyundai ماركالى كٶلٸكتەرٸنە ارنالعان جەنە بولاشاقتا جاڭا كەسٸپورىندارعا جەتكٸزٸلەدٸ.
مەملەكەت ماشينا جاساۋ سالاسىن قولداۋ ماقساتىندا ينۆەستيتسييالىق كلاستەرلەردٸ دامىتۋ جۇمىستارىن جٷرگٸزۋدە. 2023 جىلى سالاعا 115 ملرد تەڭگە ينۆەستيتسييا تارتىلسا, 2024 جىلى بۇل كٶرسەتكٸش 282 ملرد تەڭگەگە جەتتٸ. 2025 جىلدىڭ بٸرٸنشٸ توقسانىندا 55 ملرد تەڭگە ينۆەستيتسييا سالىندى, بۇل 2024 جىلدىڭ سەيكەس كەزەڭٸمەن سالىستىرعاندا ايتارلىقتاي جوعارى.
ماشينا جاساۋ سالاسىن دامىتۋدىڭ 2024-2028 جىلدارعا ارنالعان كەشەندٸ جوسپارى اياسىندا رەسپۋبليكالىق بيۋدجەتتەن 1,4 ترلن تەڭگە جەنە بيۋدجەتتەن تىس كٶزدەردەن 1,3 ترلن تەڭگە قارجىلاندىرۋ قاراستىرىلعان. بۇل جوسپار وتاندىق اۆتوٶنەركەسٸپتٸڭ ورنىقتى دامۋىن قامتاماسىز ەتۋگە باعىتتالعان.
