سەناتور مۇحتار قۇل-مۇحاممەدتٸڭ تٶراعالىق ەتۋٸمەن حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ كەڭەيتٸلگەن وتىرىسى بولدى, دەپ حابارلايدى "ۇلت اقپارات".
سەنات باسپاسٶز قىزمەتٸنٸڭ مەلٸمەتٸنشە, كەزدەسۋگە قاتىسۋشىلار تٶتەنشە جاعدايلار مينيسترلٸگٸ مەن جەكەلەگەن ٶڭٸرلەردٸڭ كٷشتەرٸ مەن قۇرالدارىنىڭ كٶكتەمگٸ سۋ تاسقىنى كەزەڭٸنە دايىندىعىن تالقىلادى.
«قازاقستاندا ەربٸر كٶكتەم ايتارلىقتاي سۋ تاسقىنىمەن قاتار جٷرەدٸ. ەسٸرەسە اۋىل حالقى زارداپ شەگەدٸ. مەملەكەتتٸك ورگاندار جىل سايىن تٶتەنشە جاعدايعا دايىندىق تۋرالى ەسەپ بەرەدٸ, بٸراق ٷلكەن سۋ كەلگەندە, ەرقاشان كٷش پەن قاراجات جەتكٸلٸكسٸز ەرٸ دايىندىق تا ناشار بولىپ شىعادى», - دەدٸ مۇحتار قۇل-مۇحاممەد.
ول سونداي-اق سەناتورلار ٶتكەن جىلى سۋ قاۋٸپسٸزدٸگٸ تۋرالى ٷكٸمەت ساعاتىن ٶتكٸزۋ كەزٸندە سۋ تاسقىنى قاۋپٸنٸڭ الدىن الۋ جٶنٸندەگٸ ناقتى شارالار ۇسىنعانىن ەسكە سالدى.
تٶتەنشە جاعدايلار مينيسترٸ يۋريي يلين مينيسترلٸك 2017 جىلى ەكٸمدٸكتەرمەن بٸرلەسە وتىرىپ, كٶكتەمگٸ سۋ تاسقىنىنا اسا بەيٸم 905 ەلدٸ مەكەندٸ انىقتاعانىن اتاپ ٶتتٸ. بٷگٸنگٸ كٷنٸ ەلٸمٸزدەگٸ 315 ەلدٸ مەكەننەن مۇنداي قاۋٸپ الىنىپ تاستالدى جەنە تاعى 314 ەلدٸ مەكەنگە قاۋٸپ-قاتەر بارىنشا ازايتىلدى. ولاردا 350 مىڭنان استام ادام تۇراتىن 70 مىڭنان استام تۇرعىن ٷي بار.
مينيستردٸڭ ايتۋىنشا, شەشٸلمەگەن مەسەلەلەردٸڭ بٸرٸ – سۋ شارۋاشىلىعى قۇرىلىستارىنىڭ جاي-كٷيٸ بولىپ وتىر. وسىنداي 500-گە جۋىق گيدروتەحنيكالىق قۇرىلىستار قازٸر جٶندەۋدٸ جەنە جاڭعىرتۋدى تالاپ ەتەدٸ.
كەزدەسۋ بارىسىندا شاراعا قاتىسۋشىلار سۋ تاسقىنى قاۋپٸمەن كٷرەسكە وڭ ەسەر ەتەتٸن بٸرقاتار ناقتى مٸندەتتەردٸ شەشۋ قاجەتتٸگٸن اتاپ ٶتتٸ. اتاپ ايتقاندا, سۋدان قورعاۋ ايماقتارى مەن بەلدەۋلەرٸ ماڭايىندا ورنالاسقان ٷيلەر مەن نىسانداردىڭ سۋدا قالۋىنا جول بەرمەۋ ٷشٸن ەلدٸ مەكەندەر قۇرىلىسىن جوسپارلاۋدى جاقسارتۋ اسا ماڭىزدى. جولداردى جوبالاۋ, سالۋ, جاڭعىرتۋ, جٶندەۋ جەنە پايدالانۋ كەزٸندە تابيعي-كليماتتىق فاكتورلار دا ەسكەرٸلگەنٸ جٶن. ودان باسقا, كٶپ سالالى زەرتتەۋلەر جٷرگٸزٸلۋٸ تيٸس جەنە بٶگەتتەردٸڭ قاۋٸپسٸزدٸگٸ دەكلاراتسيياسىن ەزٸرلەۋدٸ قارجىلاندىرۋدى بٶلۋ كەرەك.
