ەلٸمٸزدٸڭ عىلىمي ەلەۋەتٸنٸڭ تٶمەندٸگٸ عالىمداردىڭ جالاقىسىنا بايلانىستى بولدى. بۇل تۋرالى بٷگٸن ٷكٸمەت وتىرىسىندا قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«عىلىمي ەلەۋەتتٸڭ تٶمەندٸگٸ عالىمداردىڭ جالاقىسىنا بايلانىستى بولدى. عالىمداردا تۇراقتى جالاقى بولمادى. جالاقى ٷش جىلدا بٸر رەت قانا ٶتكٸزٸلەتٸن كونكۋرستاردا جەڭٸسكە جەتكەن جاعدايدا عانا تٶلەنەتٸن. ال ۇلتتىق سيپاتتاعى ٸرگەلٸ زەرتتەۋلەرمەن, ياعني, تٸلگە, ەدەبيەتكە, تاريحقا, فيلوسوفيياعا قاتىستى زەرتەۋلەرمەن اينالىساتىن ينستيتۋتتاردىڭ جاعدايى مٷلدەم قيىن ەدٸ. ولار كونكۋرستاردان گرانتتى جەتكٸلٸكتٸ دەڭگەيگە جەڭبەگەنٸنە بايلانىستى تۇراقتى جالاقى مەن تۇراقتى زەرتتەۋلەر جٷرگٸزۋگە مٷمكٸندٸك بولمادى. عالىمدار بۇل مەسەلەنٸ ۇزاق جىلدار كٶتەردٸ. مەملەكەت باسشىسىنىڭ جولداۋدا بەرگەن تاپسىرماسىنىڭ ارقاسىندا «عىلىم تۋرالى» زاڭعا ٶزگەرٸستەر ەنٸپ, بۇل مەسەلە تولىعىمەن شەشٸمٸن تاپتى. نەتيجەسٸندە تٶرت مىڭنان استام عالىم تۇراقتى جەنە ٷزدٸكسىز جالاقى الاتىن بولدى. ياعني, ەندٸ ەلٸمٸزگە قاجەتتٸ زەرتتەۋلەردٸ ٷزدٸكسٸز ٶتكٸزەتٸن مٷمكٸندٸك پايدا بولدى», - دەدٸ ول.
مينيستردٸڭ اتاپ ٶتۋٸنشە, ەلٸمٸزدە 22 655 عىلىمي كادر بار. ونىڭ 36 پايىزى - 35 جاسقا دەيٸنگٸ جاس عالىمدار, 39 پايىزى - ورتا جاستاعىلار.
«ياعني, ايتارلىقتاي عىلىمي ەلەۋەت بار. بٸراق, عالىمداردىڭ جالپى سانىن الساق, ەلٸمٸزدٸڭ بٸر ميلليون حالقىنا شاققاندا بٸر مىڭنان استام عانا عالىم كەلەدٸ. بۇل ٶز كەزەگٸندە قارجىلاندىرۋعا دا بايلانىستى. ەلەمدٸك تەجٸريبەدە عىلىمدى قارجىلاندىرۋ كەم دەگەندە جالپى ٸشكٸ ٶنٸمنٸڭ بٸر پايىزى كٶلەمٸندە بولۋ قاجەتتٸگٸ ايتىلادى جەنە ونىڭ باسىم بٶلٸگٸ جەكە ينۆەستيتسييادان قالىپتاسۋى تيٸس. وسى باعىتتا جۇمىس جٷرگٸزٸپ جاتىرمىز», - دەدٸ اسحات ايماعامبەتوۆ.
