2001 جىلدان بەرٸ سىبايلاس جەمقورلىق قىلمىسى بويىنشا 10 مىڭنان استام ادام سوتتالدى, دەپ حابارلادى قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ.
"سىبايلاس جەمقورلىق فاكتٸلەرٸ بويىنشا سوتتالعانداردىڭ 70 پايىزى اتقارۋشى بيلٸك ورگاندارىندا قىزمەت ەتكەن. 2001 جىلدان ەنگٸزٸلگەن سىبايلاس جەمقورلىق قىلمىسى بويىنشا رەسمي ستاتيستيكا وسى جىلداردا اتالعان فاكتٸ بويىنشا 10 مىڭنان استام ادامنىڭ سوتتالعانىن كٶرسەتٸپ وتىر. وسى ۋاقىتتا جەمقورلىق قىلمىستاردان كەلگەن ماتەريالدىق شىعىن 240 ميلليارد تەڭگەدەن استى. ونىڭ 44 پايىزى قايتارىلدى. بۇل جەمقورلىققا قارسى كٷرەس قىزمەتٸنٸڭ تيٸمدٸلٸگٸ مەن ازاماتتىق قوعامنىڭ قولداۋى ارتقانىنىڭ نەتيجەسٸ", — دەدٸ شپەكباەۆ بٷگٸن ٷكٸمەت وتىرىسىندا.
ورتالىق اتقارۋشى ورگانداردىڭ ٸشٸندە سوتتالعانداردىڭ سانى بويىنشا ٸشكٸ ٸستەر, قارجى, ەدٸلەت, قورعانىس, اۋىل شارۋاشىلىعى مينيسترلٸكتەرٸ كٶش باسىندا تۇر.
"2016 جىلى ٸشكٸ ٸستەر ورگاندارىنىڭ قىزمەتكەرلەرٸنە قاتىستى تٸركەلگەن 398 فاكتٸنٸڭ ەلۋ پايىزعا جۋىعى جەرگٸلٸكتٸ پوليتسييا قىزمەتٸمەن بايلانىستى. وسى سالادا جەمقورلىقپەن كٷرەس بويىنشا جوسپار ەزٸرلەپ, ٸسكە اسىراتىن قاجەتتٸلٸك تۋىنداپ وتىر", — دەدٸ ول.
اگەنتتٸك تٶراعاسىنىڭ مەلٸمەتٸنشە, قارجى مينيسترلٸگٸندە سوتتالعانداردىڭ 86 پايىزى — كەدەندٸك, سالىق, سونداي-اق, ەكونوميكالىق تەرگەۋ قىزمەتٸنٸڭ قىزمەتكەرلەرٸ. ال جەرگٸلٸكتٸ اتقارۋشى ورگاندار ٸشٸندە بٸلٸم بەرۋ ۇيىمدارى, ەكٸمدەردٸڭ اپپاراتى, قۇرىلىس, تۇرعىن ٷي-كوممۋنالدىق, مەدەنيەت جەنە تٸلدەردٸ دامىتۋ سالالارى ەڭ جەمقور بولىپ وتىر.
ٶڭٸرلەر اراسىندا رەيتينگتٸ شىعىس قازاقستان, وڭتٷستٸك قازاقستان, قاراعاندى جەنە جامبىل وبلىستارى باستايدى.
