ەلوردادا «قازاقستاننىڭ 100 جاڭا ەسٸمٸ» جوباسىنىڭ ٷشٸنشٸ كەزەڭٸ ٶتٸپ جاتىر, دەپ حابارلايدى قازاقپارات تٸلشٸسٸ.
«قازاقستاننىڭ 100 جاڭا ەسٸمٸ» جوباسىنا وراي ۇيىمداستىرىلعان سالتاناتتى جيىندا جەڭٸمپازداردىڭ بٸرٸ - ەلورداداعى 54-شٸ مەكتەپتٸڭ ديرەكتورى شەكەرٸم سەيسەمباي سٶز باستادى.
ول - ەلٸمٸزدەگٸ ەڭ جاس مەكتەپ ديرەكتورى.
«بٸزدٸڭ مەكتەبٸمٸزدە 213 قىزمەتكەر, 2700 وقۋشى بار. ۇستازدىق قىزمەتتەگٸ ماقساتىم – مەملەكەتٸمٸزدٸڭ بٸلٸم سالاسىن برەندكە اينالدىرىپ, مەرتەبەسٸن ارتتىرۋ. قازٸرگٸ تاڭدا ٶكٸنٸشكە قاراي, جاستاردىڭ ٸشٸندە, بٸلٸمدٸ ازاماتتاردىڭ اراسىندا مەكتەپكە بارىپ, ۇستاز بولىپ بٸلٸم بەرۋ – ٷردٸسكە اينالماعان. ال بٸزدٸڭ نەگٸزگٸ بايلىعىمىز – جەر استىنداعى التىن ەمەس, حالقىمىزدىڭ ۇشان-تەڭٸز بٸلٸمٸ. سول سەبەپتەن, بٸزگە مىقتى ۇستازدار كەرەك. سەبەبٸ, حاننىڭ دا, قارانىڭ دا ٶمٸرلٸك ۇستازدارى بولعان», - دەدٸ ول.
شەكەرٸم سەيسەمباي ماعجان جۇماباەۆتىڭ «التى الاشتىڭ باسى قوسىلسا – تٶردەگٸ ورىن ۇستازدٸكٸ» دەگەن سٶزٸن ەسكە سالدى.
«بٸزدٸڭ مەكتەپتەرگە بەلگٸلٸ بٸر بالانس كەرەك. ياعني, ەر مۇعالٸمدەردٸڭ سانىن ارتتىرۋ كەرەك. مەكتەپ – وتباسى سەكٸلدٸ. جانۇيادا ەكەدەن, انادان تەربيە كٶرگەن بالا جامان بولمايدى. سوندىقتان, ەر ازاماتتاردى مەكتەپكە قىزمەتكە شاقىرامىن. وسى بٸرەگەي جوبا اياسىندا جاستارعا وي سالىپ, ۇستازدىق مەرتەبەسٸن ارتتىرامىن دەگەن ٷمٸتٸم بار», - دەدٸ ول.
ايتا كەتسەك, «قازاقستاننىڭ جاڭا ەسٸمدەرٸ» جوباسىنىڭ ماقساتى - تەۋەلسٸزدٸك جىلدارى قازاقستاننىڭ دامۋىنا ەلەۋلٸ ٷلەس قوسقان ادامداردىڭ تاريحى مىسالىندا تابىستىلىق, بەسەكەگە قابٸلەتتٸلٸك, پراگماتيزم جەنە بٸلٸمگە تابىنۋ يدەيالارىن ٸلگەرٸلەتۋ. بيىل جوباعا قاتىسۋ ٷشٸن 1673 انكەتا قابىلدانعان. جالپى, بارلىق قاتىسۋشىعا 700 مىڭنان اسا داۋىس بەرٸلگەن. بارلىق كەزەڭنٸڭ قورىتىندىسى بويىنشا بيىل 32 جەڭٸمپاز انىقتالدى.
.jpeg)