باس مەملەكەتتٸك سانيتارييالىق دەرٸگەر جانداربەك بەكشين ەلٸمٸزدەگٸ بۇقارالىق اقپارات قۇرالدارىنا ٷندەۋ تاستادى, دەپ حابارلايدى "ۇلت اقپارات".
«كونستيتۋتسييا بەرٸنە بٸردەي. بارلىعىنىڭ پٸكٸرٸنە قۇلاق اسۋىمىز كەرەك. حالىقتىڭ دا, جۋرناليستەردٸڭ دە, عالىمداردىڭ سٶزٸن تىڭداعان جٶن. بٸز بولماساق, حالىقارالىق تەجٸريبەنٸ حالىققا كٸم ايتادى? ۇستازدارىمنىڭ بٸرٸ افريكا ەلدەرٸنٸڭ بٸرٸندە مەديتسينالىق كٶمەك بەرۋمەن اينالىستى. سول ماعان: «اۋرۋ تاراپ كەتكەن كەزدە بٸر تٷندە 9 بالا شەتٸنەدٸ. سوندا ٶلٸ بالاسىن قۇشاقتاپ تۇرىپ, قايعىدان جٷزدەرٸ تاس بوپ قاتىپ قالعان انالاردى كٶردٸم. ول ەلدە سوعىس بولىپ جاتىر ەدٸ. مەن سوندا «ۆاكتسيناتسييا تيٸمسٸز» دەگەن سٶزدٸ ايتقان ادامدى سىرتقا شىعارىپ اتىپ تاستاۋعا دايىن بولدىم» دەگەن ەڭگٸمە ايتتى. كٶردٸڭٸز بە? سوندىقتان, بٸزدٸڭ بەرٸمٸز اۋرۋدىڭ الدىن الۋعا, ۆاكتسيناتسييانىڭ قاجەت ەكەنٸن حالىققا ەسكەرتۋٸمٸز كەرەك. قاتتى دا بولسا شىندىقتى ايتىپ تۇرمىن», - دەدٸ جانداربەك بەكشين وكق-دا ٶتكەن باسپاسٶز مەسليحاتىندا.
باس مەملەكەتتٸك سانيتارييالىق دەرٸگەر اقشانىڭ سوڭىنا تٷسٸپ, حالىققا دۇرىس اقپارات بەرمەي جاتقانداردى سىنادى.
«بٸز حالىقتىڭ دەنساۋلىعىن ويلاۋىمىز كەرەك. ەڭ بٸرٸنشٸ كەزەكتە, جۋرناليستەردەن سۇرايمىن! سەبەبٸ انتيۆاكتسيونال لوببيٸ ٶتە كٷشتٸ بولىپ تۇر. كٶرٸپ وتىرسىزدار, قانداي ستسەنارييلەر جازىلىپ جاتىر. ول ٷشٸن اقشا تٶلەنٸپ جاتقانى انىق قوي. تٸپتٸ انتيۆاكتسيونالدى ناسيحاتقا كەسٸبي اكتەرلار قاتىسۋدا. بەرٸ دە اۋتيزم جايلى ايتادى. كەزٸندە اقش-تىڭ جالعان عالىمى ەنديۋ ۋيكفيلدتٸڭ ەڭبەگٸن تەحاس سوتى جوققا شىعارىپ, دەرٸگەر سەرتيفيكاتىن ايىردى. ال سونى ناسيحاتتاعان عىلىمي باسىلىمنىڭ رەداكتورى كەشٸرٸم سۇرادى. ول جەردە اۋتيزمگە قاتىستى ەشتەڭە بولماعان. بۇل – تەك سىلتاۋ ەدٸ», - دەدٸ جانداربەك بەكشين.
ەسكە سالا كەتسەك, بۇعان دەيٸن جانداربەك بەكشين ەكپە جاسالماعان بالالار بالاباقشالارعا كٸرگٸزٸلمەيتٸنٸن مەلٸم ەتكەن ەدٸ.
