قازٸرگٸ كەزدە ەلٸمٸزدە شومىلۋعا رۇقسات ەتٸلگەن 497 ورىن بەكٸتٸلگەن. بۇل تۋرالى قر تٶتەنشە جاعدايلار مينيسترلٸگٸنٸڭ ازاماتتىق قورعانىس جەنە ەسكەري بٶلٸمدەر كوميتەتٸنٸڭ تٶراعاسى باۋىرجان سىزدىقوۆ ايتتى, دەپ حابارلايدى قازاقپارات.
«1 ماۋسىمنان ەلٸمٸزدە سۋدا شومىلۋ كەزەڭٸ باستالدى. سۋ قويمالارىندا قاۋٸپسٸزدٸكتٸ قامتاماسىز ەتۋ ماقساتىندا تٶتەنشە جاعدايلار مينيسترلٸگٸ قۇزىرلى ۆەدومستۆولار جەنە ەكٸمدٸكتەرمەن بٸرلەسٸپ كەشەندٸ الدىن الۋ جۇمىستارىن ۇيىمداستىرىپ, ٸسكە اسىرىپ جاتىر. قازٸرگٸ كەزدە ەلٸمٸزدە شومىلۋعا رۇقسات ەتٸلگەن 497 (2021 جىلى - 538) ورىن بەكٸتٸلگەن. ونىڭ ٸشٸندە 142-سٸ كوممۋنالدىق, 341-ٸ جەكە جاعاجاي رەتٸندە تٸركەلدٸ. مۇنىمەن قوسا, 14 ورىن بويىنشا ناقتى يەلەرٸن بەكٸتۋ جۇمىستارى جٷرگٸزٸلٸپ جاتىر (شقو – 10, بقو-4)», - دەدٸ ب. سىزدىقوۆ.
وسى ورايدا ول ەلٸمٸزدە ادامدار شومىلۋعا نەمەسە دەمالۋعا باراتىن سۋ قويمالارى, ٶزەندەر مەن كٶلدەردەگٸ ورىندار 50 مىڭنان اساتىنىن ايتتى. الايدا بۇل جەرلەر قاۋٸپسٸزدٸك تالاپتارىنا ساي جاساقتالماعان.
«حالىق ەڭ كٶپ پايدالاناتىن 125 سۋ قويماسىندا تٶتەنشە جاعدايلار مينيسترلٸگٸنٸڭ 493 قۇتقارۋشىسى تەۋلٸك بويى كەزەكشٸلٸك اتقارىپ جاتىر. بيىل باقىلاۋدى كٷشەيتۋ جەنە ازاماتتاردىڭ قاۋٸپسٸزدٸگٸن قامتاماسىز ەتۋ ماقساتىندا شومىلۋ ماۋسىمى باستالىسىمەن قاۋٸپتٸ جەنە كٷزەتٸلمەيتٸن اۋماقتاردا مينيسترلٸكتٸڭ قوسىمشا 55 جىلجىمالى قۇتقارۋ بەكەتٸ جۇمىسىن كٸرٸستٸ», - دەدٸ ۆەدومستۆو ٶكٸلٸ.
ونىڭ سٶزٸنە قاراعاندا, زارداپ شەككەندەرگە العاشقى مەديتسينالىق كٶمەك كٶرسەتۋ ٷشٸن كوممۋنالدىق جەنە جەكە جاعاجايلاردا 162 مەديتسينالىق پۋنكت جۇمىس ٸستەپ جاتىر. قالعاندارىندا مەديتسينا قىزمەتكەرلەرٸ قۇتقارۋ پۋنكتٸنٸڭ قۇرامىندا كەزەكشٸلٸك ەتەدٸ.
