ەلٸمٸزدە ٶنەركەسٸپتٸك گرانت ەنگٸزٸلەدٸ. بۇل تۋرالى قر پارلامەنتٸ سەناتىنىڭ جالپى وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
وتىرىستا «ٶنەركەسٸپتٸك ساياسات تۋرالى» جەنە وعان ٸلەسپە زاڭ جوباسى تۋرالى بايانداما جاساعان مينيسترٸ ٶندٸرٸس پروتسەسٸنە قاتىستى تىڭ جاڭالىقتارمەن بٶلٸستٸ.
«بٸرٸنشٸ, ىنتالاندىرۋدىڭ جاڭا قۇرالى - ٶنەركەسٸپتٸك گرانت ەنگٸزٸلۋدە. ول بٸرگە قارجىلاندىرۋ نەگٸزٸندە ٶندٸرٸستٸ تەحنولوگييالىق جاڭعىرتۋعا بەرٸلەدٸ. ەكٸنشٸ, مەملەكەتتٸك ىنتالاندىرۋدىڭ بارلىق ٸس-شاراسى ورتا جەنە جوعارى بٶلٸنٸستەگٸ ٶنٸم ٶندٸرۋشٸلەرگە بەرٸلەدٸ. ەدٸستەمە نەگٸزٸندە ٶنٸمنٸڭ تيٸستٸ تٸزبەسٸ بەكٸتٸلەدٸ. وسىلايشا, قايتا ٶڭدەۋدٸ تەرەڭدەتۋگە نازار اۋدارىلادى», - دەدٸ ول.
ونىڭ اتاپ ٶتۋٸنشە, ٷشٸنشٸ, كٶرسەتٸلەتٸن ٸس-شارالاردىڭ تيٸمدٸلٸگٸن ارتتىرۋ ٷشٸن قارسى مٸندەتتەمەلەر ەنگٸزٸلەدٸ. ولار بيزنەستٸڭ الىپ وتىرعان ٸس-شارالارىنىڭ تٷرٸ مەن كٶلەمٸن ەسكەرە وتىرىپ ايقىندالادى. كەسٸپورىن مٸندەتتەمەلەردٸ ورىنداماعان جاعدايدا ولاردى ورىنداۋ دەڭگەيٸنە قاراي بيۋدجەت قاراجاتىن قايتارۋى تيٸس. تٶرتٸنشٸ, بەسەكەگە قابٸلەتتٸلٸكتٸ ارتتىرۋ تۋرالى كەلٸسٸم ەنگٸزٸلەدٸ. ول ىنتالاندىرۋ ٸس-شارالارىنىڭ ارالاس پاكەتٸن الۋعا مٷمكٸندٸك بەرەدٸ. بەسٸنشٸ, ٶنەركەسٸپتٸ دامىتۋ قورىنىڭ 3 پايىزدىق جەڭٸلدەتٸلگەن قارجى بەرۋ فۋنكتسيياسى كٶزدەلگەن. ال نارىقتا ينۆەستيتسييالىق جوبالاردى نەسيەلەۋ مٶلشەرلەمەسٸ 6 پايىز جەنە ودان جوعارى.
«التىنشى - تسيفرلىق ترانسفورماتسييالاۋ. بٸز گەرمانييانىڭ فراۋنحوفەر ينستيتۋتىمەن بٸرلەسٸپ, جٷيەقۇراۋشى كەسٸپورىندارعا تالداۋ جاسادىق. ولاردىڭ ەرقايسىسى تسيفرلىق ترانسفورماتسييانىڭ قاي كەزەڭٸندە ەكەنٸن باعالادىق. كەسٸپورىندارعا تسيفرلىق ترانسفورماتسييا جٷرگٸزۋ ٷشٸن قىزمەتكەرلەرٸنٸڭ بٸلٸكتٸلٸگٸن ارتتىرۋ جەنە شەتەلدٸك مامانداردى تارتۋ, باسقارۋدىڭ جاڭا ەدٸستەرٸن ەنگٸزۋ تەتٸكتەرٸ كٶزدەلگەن. جەتٸنشٸ, جىلدان جىلعا ۇسىنىلاتىن مەملەكەتتٸك ىنتالاندىرۋ ٸس-شارالارىنىڭ تٸزبەسٸ كەڭەيۋدە. بۇل ٶز كەزەگٸندە بيزنەس ٷشٸن قولايلى جاعدايلار جاساۋدى تالاپ ەتەدٸ. سوندىقتان بارلىق ىنتالاندىرۋ ٸس-شارالارى «ەلەكتروندىق ٷكٸمەت» ۆەب-پورتالى ارقىلى «بٸر تەرەزە» قاعيداتى ارقىلى جٷزەگە اسىرىلادى. بٸزدٸڭ مينيسترلٸك ىنتالاندىرۋ ٸس-شارالارى بويىنشا ٷيلەستٸرۋشٸ مەملەكەتتٸك ورگان بولادى», - دەدٸ بەيبٸت اتامقۇلوۆ.
