قازاقستاندا مەكتەپتەردٸڭ 99 پايىزى بەينەباقىلاۋ جٷيەسٸمەن جابدىقتالعان. بۇل تۋرالى قر بٸلٸم جەنە عىلىم مينيسترلٸگٸ بٸلٸم جەنە عىلىم سالاسىنداعى باقىلاۋ كوميتەتٸنٸڭ باسشىسى گٷلزات كٶبەنوۆا ايتتى, دەپ حابارلايدى قازاقپارات.
«اۋماقتىق دەپارتامەنتتەر مەكتەپكە دەيٸنگٸ جەنە ورتا بٸلٸم بەرۋ ۇيىمدارىنىڭ بەينەباقىلاۋ جٷيەسٸمەن جەنە سانيتارلىق-گيگيەنالىق توراپتارمەن قامتاماسىز ەتٸلۋٸنە مونيتورينگ جۇمىسىن جٷرگٸزدٸ. مەملەكەت باسشىسى ورتا جەنە مەكتەپكە دەيٸنگٸ بٸلٸم بەرۋدٸڭ بارلىق ۇيىمدارىن بەينەباقىلاۋمەن جٷيەسٸمەن جابدىقتاۋ تۋرالى تاپسىرما بەرگەن بولاتىن. مونيتورينگپەن 7 127 مەكتەپكە دەيٸنگٸ بٸلٸم بەرۋ ۇيىمى قامتىلدى. نەتيجەسٸندە بٷگٸنگٸ كٷنٸ ولاردىڭ 20-سىندا بەينەباقىلاۋ جٷيەسٸنٸڭ جوق ەكەندٸگٸ انىقتالدى. تٷركٸستان, الماتى وبلىستارىنداعى, شىمكەنت, الماتى, نۇر-سۇلتان قالالارىنداعى جەكەمەنشٸك مەكتەپكە دەيٸنگٸ ۇيىمداردىڭ 507-سٸندە بەينەباقىلاۋ جٷيەسٸ بولماي شىقتى», - دەدٸ ول مينيسترلٸكتٸڭ اپپارات كەڭەسٸندە.
ونىڭ ايتۋىنشا, ەلٸمٸزدە 6 971 مەملەكەتتٸك مەكتەپ بەينەباقىلاۋ جٷيەسٸمەن قامتاماسىز ەتٸلگەن. ال 72 مەكتەپتە مۇنداي جٷيە ەلٸ كٷنگە ورناتىلماعان.
«ٸس جٷزٸندە بٷگٸندە بەينەباقىلاۋ جٷيەسٸمەن جابدىقتالعان بٸلٸم بەرۋ ۇيىمدارىنىڭ ٷلەسٸ 2018 جىلعى 75 پايىزدان 99 پايىزعا دەيٸن جەتتٸ. دەگەنمەن, ۇلتتىق بٸلٸم بەرۋ دەرەكتەر قورى (ۇببدق) مەلٸمەتتەرمەن سەيكەسسٸزدٸكتەرگە نازار اۋدارتقىم كەلەدٸ. ۇببدق ورتا بٸلٸم بەرۋدٸڭ نەبەرٸ 6 ۇيىمىندا عانا بەينەباقىلاۋ جٷيەسٸنٸڭ جوق ەكەندٸگٸن كٶرسەتكەن. بۇل ورايدا تٷركٸستان, سولتٷستٸك قازاقستان, باتىس قازاقستان جەنە الماتى وبلىستارى ٶز كٶرسەتكشتەرٸن دۇرىس كٶرسەتپەگەن», - دەدٸ گٷلزات كٶبەنوۆا.
سونىمەن قاتار كوميتەت باسشىسىنىڭ ايتۋىنشا, ەلٸمٸزدەگٸ جەكەمەنشٸك مەكتەپتەر تولىقتاي بەينەباقىلاۋ جٷيەسٸمەن قامتاماسىز ەتٸلگەن. دەگەنمەن الماتى مەن باتىس قازاقستان وبلىستارى ولاردىڭ تالاپقا ساي كەلۋٸنە نازار اۋدارۋلارى قاجەت.
