دٸن ٸستەرٸ جەنە ازاماتتىق قوعام مينيسترلٸگٸنٸڭ ٶكٸلدەرٸ ساقال مەن بالاقتىڭ ۇزىندىعى دٸن تۋرالدى زاڭدا ايتىلمايتىنىن مەلٸمدەدٸ. بۇل تۋرالى دٸن ٸستەرٸ كوميتەتٸ تٶراعاسىنىڭ مٸندەتٸن اتقارۋشى ەركٸن وڭعارباەۆ ايتتى, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
مۇندا "قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە دٸني قىزمەت جەنە دٸني بٸرلەستٸكتەر مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" زاڭ جوباسى جايلى ايتىلىپ وتىر.
"قازٸرگٸ ۋاقىتتا بۇل مەسەلە قاراستىلىرىلىپ وتىرعان جوق: قىسقا بالاق شالبار مەن ساقال (...) تەجٸكستاندا مۇنداي نورمالار قابىلدانعان, سينتسزيان-ۇيعىر اۆتونومييالىق وكرۋگٸندە دە بار, وسى مەسەلەنٸ رەتتەيتٸن ەرەجەلەر مەن نورماتيۆتٸك اكتٸلەر بەكٸتٸلگەن. بٷگٸندە بٸز مۇنداي نورمانى قابىلدامايمىز. سەبەبٸ قانداي جاعداي بولسا دا بۇل زاڭدى ٸسكە اسىرۋ ٷشٸن زاڭ اياسىنداعى نورماتيۆتٸك اكتٸلەر قاجەت. قۇزىرلى مەملەكەتتٸك ورگاندار الداعى ۋاقىتتا مۇنداي زاڭدى ٸسكە اسىرۋ ٷشٸن قانداي دا بٸر قادامداردى قاراستىرۋى قاجەت", - دەدٸ وڭعارباەۆ.
ال وسىنىڭ الدىندا قازاقستان پرەزيدەنتٸ نۇرسۇلتان نازارباەۆ قازاقستان مۇسىلماندارى دٸني باسقارماسى ٶكٸلدەرٸمەن كەزدەسۋ كەزٸندە قىسقا بالاق پەن ۇزىن ساقالدىڭ بٸزدٸڭ دەستٷرگە ساي كەلمەيتٸنٸن ايتتى. ەلباسى مۇندايعا زاڭ جٷزٸندە تىيىم سالۋدى ۇسىنعان بولاتىن.
"دٸني ساۋاتسىزدىعىنىڭ نەتيجەسٸندە جاستارىمىز ساقال قويىپ, شالبارىنىڭ بالاقتارىن قىسقارتىپ تاستايدى. قارا كٶيلەك كيٸپ, بەتٸ-اۋزىن تۇمشالاعان قىزدارىمىزدىڭ قاتارى كٶبەيدٸ. بۇل بٸزدٸڭ دەستٷرٸمٸزگە دە, حالقىمىزعا دا جات. بۇعان زاڭنامالىق دەڭگەيدە تىيىم سالۋ مەسەلەسٸن پىسىقتاۋ كەرەك. قازاق قارا كيٸمدٸ قارالى كەزدە عانا كيەدٸ", - دەگەن ەدٸ مەملەكەت باسشىسى.
ەسكە سالايىق, زاڭ جوباسىنىڭ اياسىندا ادامنىڭ تٷر-كەسكٸنٸن تانۋعا كەدەرگٸ بولاتىن كيٸم كييۋگە تىيىم سالۋ ۇسىنىلعان.
