2020 جىلدىڭ 8 ايىندا قىلمىستىق قۇقىق بۇزۋشىلىق 35 پايىزعا قىسقاردى. بۇل تۋرالى قر باس پروكۋرورىنىڭ ورىنباسارى مارات احمەتجانوۆ ايتتى, دەپ حابارلايدى قازاقپارات.
«مەملەكەت باسشىسىنىڭ ٶتكەن جىلعى جولداۋىنا بايلانىستى زاڭناماعا ەنگٸزٸلگەن تولىقتىرۋلار ەلدەگٸ قۇقىقتىق تەرتٸپتٸ ودان ارى نىعايتۋعا قىلمىستىق احۋالدى تٶمەندەتۋگە سەپتٸگٸن تيگٸزدٸ. قىلمىستىق قۇقىق بۇزۋشىلىقتاردىڭ تٸركەلەتٸن سانى قىسقاردى. وسى جىلدىڭ 8 ايىندا ٶتكەن جىلمەن سالىستىرعاندا قىلمىستىق قۇقىق بۇزۋشىلىق 35 پايىزعا از جاسالدى. ۇرلىق سانى 52, توناۋ 50, بۇزاقىلىق 46 پايىزعا تٶمەندەدٸ. جولداۋدى جٷزەگە اسىرۋ ناقتى قىلمىستاردىڭ جاسالۋىنا قالاي ىقپال ەتتٸ دەگەنگە كەلەر بولساق, جىنىستىق زورلىقپەن بايلانىستى قىلمىستار ٷشتەن بٸرگە قىسقاردى. بۇعان جازانىڭ كٷشەيتٸلۋٸ ىقپال ەتكەندٸگٸ سٶزسٸز», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ اتاپ ٶتۋٸنشە, بۇل كٶپتەگەن ەلەۋەتتٸ جەبٸرلەۋشٸلەردٸڭ جٶنگە تٷسۋٸنە سەپتٸگٸن تيگٸزٸپ وتىر. ٶيتكەنٸ, بۇعان دەيٸن جەبٸرلەۋشٸلەر جەبٸرلەنۋشٸلەرمەن تاتۋلاسىپ, شىنايى جازادان قۇتىلىپ كەتەتٸن. ال بۇل ونىڭ بوستاندىقتا قالىپ, زورلىق-زومبىلىعىن قايتا جاساۋىنا جول اشىپ بەرەتٸن. قازٸر مۇنداي مٷمكٸندٸك جولىعىمەن جويىلدى.
«مەسەلەن, بيىل وسىندا قىلمىستار ٷشٸن ورتاشا ەسەپپەن 5,5 جىلعا باس بوستاندىعىنان ايىرۋعا سوتتالادى. اۋىر قىلمىس ساناتىنا اۋىستىرىلعان بٸرٸنشە رەت ۇرلىق جاساۋ مەن الاياقتىق بويىنشا تاتۋلاسۋ مٷمكٸندٸگٸ دە الىنىپ تاستالدى. بۇعان ٷيگە كٸرٸپ ۇرلىق جاساۋ كٸرەدٸ. ياعني, كەسٸبي ۇرىلار جاسايتىن قىلمىستار», - دەدٸ مارات احمەتجانوۆ.
