قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى كارانتين جاعدايىنداعى قۇربان ايت تۋرالى باسپاسٶز مەسليحاتىن ٶتكٸزٸپ جاتىر, دەپ حابارلايدى "ۇلت اقپارات".
«بارشاڭىزدى كٷللٸ يسٸ مۇسىلمان بالاسى اسىعا كٷتەتٸن ۇلىق مەيرام – قۇربان ايتپەن شىن جٷرەكتەن قۇتتىقتايمىن! ايتتارىڭىز قابىل بولسىن! سٸزدەرگە اللادان اماندىق, مىقتى ساۋلىق, مول ىرىس پەن باق-بەرەكە تٸلەيمٸن!», - دەدٸ ناۋرىزباي قاجى تاعانۇلى ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
باس مٷفتيدٸڭ ايتۋىنشا, يسلام دٸنٸندە زۇلحيججا ايىنىڭ العاشقى 10 كٷنٸ قاسيەتتٸ كٷندەر سانالادى. حيجري جىل ساناۋى بويىنشا 1442 جىلدىڭ زۇلحيججا ايى 11 شٸلدە كٷنٸ باستالدى. ال اراپا كٷنٸ 19 شٸلدەگە سەيكەس كەلەدٸ. 20 شٸلدە – قۇربان ايت مەرەكەسٸنٸڭ بٸرٸنشٸ كٷنٸ.
«بيىلعى 20 شٸلدە كٷنٸ رەسپۋبليكا اۋماعىندا تاڭعى ساعات 7.00-دە قاتاڭ سانيتارلىق نورما تالاپتارىن ساقتاي وتىرىپ, «سارى», «جاسىل» ايماقتاردا 10 مينۋتتىق قۇربان ايت نامازى وقىلادى. دەگەنمەن, «قىزىل» ايماقتا قۇربان ايت نامازىن وقۋ جەرگٸلٸكتٸ سانيتارلىق مەملەكەتتٸك باس دەرٸگەردٸڭ قاۋلىسىنا سەيكەس جٷزەگە اسىرىلادى.
وسى ورايدا, قۇربان ايت نامازىن ٶتكٸزۋ بويىنشا قمدب-نىڭ ٶكٸل يمامدارى جەرگٸلٸكتٸ باس سانيتارلىق دەرٸگەرلەرمەن بٸرلەسٸپ, ارنايى بريفينگتەر ٶتكٸزەتٸن بولادى. جاماعاتتان قاۋٸپسٸزدٸك شارالارىن قاتاڭ ساقتاۋدى, ايت نامازى بٸتكەن سەتتە مەشٸت اۋلاسىندا ۇزاق تۇراقتاماۋدى سۇرايمىز», - دەيدٸ باس مٷفتي.
