بٷگٸندە كوروناۆيرۋستان ەمدەلگەندەر سانى 2074-كە جەتتٸ. بۇل تۋرالى قر باس مەملەكەتتٸك سانيتار دەرٸگەرٸ ايجان ەسماعامبەتوۆا قر دەنساۋلىق ساقتاۋ مينيسترلٸگٸنٸڭ مەديا ورتالىعىندا ٶتكەن تٸكەلەي ەفيردە ايتتى, دەپ حابارلايدى قازاقپارات.
«بٷگٸندە كوروناۆيرۋستان ەمدەلگەندەر سانى 2074-كە جەتتٸ. كەشە عانا 130 ادام ەمدەلٸپ شىقتى. بٷگٸن 15 ادام ەمدەلٸپ شىعادى دەپ جوسپارلانۋدا», - دەيدٸ قر باس مەملەكەتتٸك سانيتار دەرٸگەرٸ ايجان ەسماعامبەتوۆا.
ونىڭ ايتۋىنشا, سوڭعى بٸرنەشە كٷندە ەمدەلگەندەر سانى كٷن سايىن اۋىرىپ تٸركەلگەندەر سانىنان كٶپ.
«بۇل - ٶتە جاقسى كٶرسەتكٸش, دەمەك كوروناۆيرۋس ينفەكتسيياسى بويىنشا جاعداي تۇراقتالىپ كەلەدٸ دەگەن سٶز. بۇل - ەلٸمٸزدە ەنگٸزٸلگەن تٶتەنشە جاعداي رەجيمٸنٸڭ نەتيجەسٸ. ناۋرىز ايىندا اۋىرعاندار سانىنىڭ ٶسۋٸ 150%-دى كٶرسەتسە, سوڭعى تەۋلٸكتەردە اۋرۋدىڭ ٶسۋ كٶرسەتكٸشٸ 2,3%-دى عانا كٶرسەتۋدە. بٸر اپتا ٸشٸندە بۇل كٶرسەتكٸش 5%-دان اسپادى. تٶتەنشە جاعداي رەجيمٸنٸڭ اياقتالۋى كارانتين شارالارى تٷگەل توقتايدى دەگەندٸ بٸلدٸرمەيدٸ. كارانتين رەجيمٸن ساقتاۋ كەرەك, بٸراق ەلٸمٸزدەگٸ ەپيدەميولوگييالىق جاعدايعا بايلانىستى بٸرتٸندەپ جۇمسارىپ وتىرادى», - دەيدٸ ول.
