قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ اقپاراتتىق جەنە كيبەرقاۋٸپسٸزدٸك سالاسىنداعى بۇزۋشىلىقتار ٷشٸن ايىپپۇلداردى كٶبەيتۋدٸ جوسپارلاپ وتىر, دەپ حابارلايدى قازاقپارات.
«جوعارىدا اتالعان شارالارمەن قاتار مەملەكەتتٸك باقىلاۋ بويىنشا ٷلكەن جۇمىستار اتقارىلۋدا. جىل باسىنان بەرٸ اقپاراتتىق قاۋٸپسٸزدٸك جەنە اقپاراتتاندىرۋ سالاسىنداعى قر زاڭناماسىنىڭ ساقتالۋى بويىنشا جوسپاردان تىس 56 تەكسەرۋ جٷرگٸزٸلدٸ. 30 لاۋازىمدى تۇلعا مەن بەس زاڭدى تۇلعا جالپى سوماسى 2 ملن 772 مىڭ تەڭگەگە جاۋاپكەرشٸلٸككە تارتىلدى. ەرينە, بۇل سومالار از جەنە بۇل جاۋاپكەرشٸلٸك ادامداردى جاعدايدى ٶزگەرتۋگە ىنتالاندىرىپ وتىرعان جوق. سوندىقتان كيبەرقاۋٸپسٸزدٸكتٸ بۇزۋ بويىنشا ايىپپۇلداردى كٶبەيتۋ باستاماسىن كٶتەرەمٸز», - دەدٸ قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ ۆيتسە-مينيسترٸ اسحات ورازبەك پارلامەنت مەجٸلٸسٸنٸڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸنٸڭ وتىرىسىندا.
ۆيتسە-مينيستر اقپاراتتىق قاۋٸپسٸزدٸك سالاسىنداعى بۇزۋشىلىقتار ٷشٸن جاۋاپكەرشٸلٸك مەسەلەسٸن دە اتاپ ٶتتٸ.
«اقپاراتتىق قاۋٸپسٸزدٸك تالاپتارىن بۇزعانى ٷشٸن تيٸستٸ جەرگە بارماي-اق ەكٸمشٸلٸك جاۋاپكەرشٸلٸككە تارتۋ جۇمىستارى جالعاسۋدا, ياعني, بٸز كەلٸپ تٷسكەن شاعىمداردى قاراستىرامىز. بٷگٸنگٸ كٷنٸ 49 ەكٸمشٸلٸك ٸس قارالدى جەنە 28 لاۋازىمدى تۇلعا مەن بٸر زاڭدى تۇلعا جالپى سوماسى 2 ملن 386 مىڭ تەڭگەگە جاۋاپقا تارتىلدى.
بٸزدە جەكە دەرەكتەردٸ قورعاۋ سالاسىنداعى تەكسەرۋلەر بويىنشا ٷلكەن جۇمىس بٶلٸگٸ باستالدى. ٶتكەن جىلى اقپاراتتىق قاۋٸپسٸزدٸك كوميتەتٸ دەربەس دەرەكتەردٸ قورعاۋ سالاسىنداعى ۋەكٸلەتتٸ ورگان مەرتەبەسٸن الدى. قازٸر بٸز تيٸستٸ جۇمىستاردى جٷرگٸزٸپ جاتىرمىز», - دەدٸ ۆيتسە-مينيستر.
