QR Tsifrlyq damý, innovatsiialar jáne aeroǵarysh ónerkásibi ministrligi aqparattyq jáne kiberqaýipsizdik salasyndaǵy buzýshylyqtar úshin aiyppuldardy kóbeitýdi josparlap otyr, dep habarlaidy QazAqparat.
«Joǵaryda atalǵan sharalarmen qatar memlekettik baqylaý boiynsha úlken jumystar atqarylýda. Jyl basynan beri aqparattyq qaýipsizdik jáne aqparattandyrý salasyndaǵy QR zańnamasynyń saqtalýy boiynsha jospardan tys 56 tekserý júrgizildi. 30 laýazymdy tulǵa men bes zańdy tulǵa jalpy somasy 2 mln 772 myń teńgege jaýapkershilikke tartyldy. Árine, bul somalar az jáne bul jaýapkershilik adamdardy jaǵdaidy ózgertýge yntalandyryp otyrǵan joq. Sondyqtan kiberqaýipsizdikti buzý boiynsha aiyppuldardy kóbeitý bastamasyn kóteremiz», - dedi QR tsifrlyq damý, innovatsiialar jáne aeroǵarysh ónerkásibi vitse-ministri Ashat Orazbek Parlament Májilisiniń Halyqaralyq ister, qorǵanys jáne qaýipsizdik komitetiniń otyrysynda.
Vitse-ministr aqparattyq qaýipsizdik salasyndaǵy buzýshylyqtar úshin jaýapkershilik máselesin de atap ótti.
«Aqparattyq qaýipsizdik talaptaryn buzǵany úshin tiisti jerge barmai-aq ákimshilik jaýapkershilikke tartý jumystary jalǵasýda, iaǵni, biz kelip túsken shaǵymdardy qarastyramyz. Búgingi kúni 49 ákimshilik is qaraldy jáne 28 laýazymdy tulǵa men bir zańdy tulǵa jalpy somasy 2 mln 386 myń teńgege jaýapqa tartyldy.
Bizde jeke derekterdi qorǵaý salasyndaǵy tekserýler boiynsha úlken jumys bóligi bastaldy. Ótken jyly aqparattyq qaýipsizdik komiteti derbes derekterdi qorǵaý salasyndaǵy ýákiletti organ mártebesin aldy. Qazir biz tiisti jumystardy júrgizip jatyrmyz», - dedi vitse-ministr.
