قازاقستاندا بٸر جىل ٸشٸندە قازاقتاردىڭ ٷلەسٸ 0,6 پايىزعا (80 مىڭ ادام) ٶسٸپ, 2022 جىلدىڭ باسىندا 69,59 پايىزعا جەتكەن. ۇلتتىق بيۋرو ستاتيستيكاسىنىڭ جىل سايىنعى بيۋللەتەنٸنە سٷيەنگەن "ۆلاست" سايتى وسىلاي جازدى, دەپ حابارلايدى ازاتتىق راديوسى.
ەلدە قازاقتاردىڭ جالپى سانى 13,3 ملن ادام بولعان.
اقپاراتقا قاراعاندا, تەۋەلسٸزدٸك جىلدارى رەسپۋبليكادا قازاقتاردىڭ سانى جۋىقتاپ العاندا ەكٸ ەسەگە ٶسٸپ (سوۆەت وداعىندا 1989 جىلى جٷرگٸزٸلگەن حالىق ساناعى بويىنشا 39,7%), 69,59 پايىزعا جەتكەن.
قازٸر بەس ايماقتا قازاقتاردىڭ ٷلەسٸ 80 پايىزدان كٶپ: نۇر-سۇلتان (81,08%), اقتٶبە وبلىسى (84,29%), ماڭعىستاۋ وبلىسى (91,57%), اتىراۋ وبلىسى (93,01%) جەنە قىزىلوردا وبلىسى (96,54%). سولتٷستٸك قازاقستاننان باسقا ايماقتاردىڭ بارلىعىندا-دەرلٸك قازاقتاردىڭ ٷلەسٸ باسىم. سولتٷستٸك قازاقستاندا ورىستاردىڭ ٷلەسٸ (49 پايىزى – ورىستار, 35 پايىزى – قازاقتار) كٶبٸرەك.
ۇلتتىق بيۋرو ستاتيستيكاسىنىڭ مەلٸمەتٸ بويىنشا, بىلتىر تاعى بٸرنەشە ەتنوستىڭ ٷلەسٸ ارتقان. اتاپ ايتقاندا, بٸر جىلدا ٶزبەكتەر 17,6 مىڭعا كٶبەيٸپ, 637,9 مىڭعا جەتكەن. ەتنوس قۇرامى جاعىنان ٶزبەكتەر ٷشٸنشٸ ورىندا تۇر. ولار كٶبٸنە تٷركٸستان وبلىسى مەن شىمكەنتكە شوعىرلانعان.
ۇيعىرلار بٸر جىلدا 4,2 مىڭعا كٶبەيٸپ, 283,1 مىڭعا جەتكەن. ەزەربايجان (116,7 مىڭ), تٷرٸك (116,2 مىڭ), دٷنگەن ( 78,2 مىڭ), تەجٸكتەردٸڭ (53,4 مىڭ) دە ٷلەسٸ ارتقان.
قازاقستاندا ورىستار سانى بٸر جىلدا 48,5 مىڭعا ازايعان, قازٸر ەلدە 3 ملن 430 مىڭ ورىس تۇرادى. قازٸر ولاردىڭ ٷلەسٸ جالپى حالىقتىڭ 17,94 پايىزىنا تەڭ.
قازاقستاندا سوڭعى جىلدا ۋكراينداردىڭ ٷلەسٸ ازايعان. قازٸر ەلدە 247 مىڭ ۋكراين بار.
بىلتىر 1 قىركٷيەك پەن 30 قازان ارالىعىندا جٷرگٸزٸلگەن ۇلتتىق حالىق ساناعىنىڭ العاشقى نەتيجەسٸ بويىنشا, قازاقستان حالقى 19 169 550 ادامعا جەتكەن. ول كەزدە قازاقتاردىڭ ٷلەسٸ 70,18 پايىزعا جەتكەنٸ ايتىلعان ەدٸ.
2009 جىلعى حالىق ساناعىندا قازاقتاردىڭ ٷلەسٸ 63,1 پايىز بولعان.
