پرەمەر-مينيستردٸڭ ورىنباسارى رومان سكليار ەلٸمٸزدەگٸ اسىل تۇقىمدى مال باسىنىڭ سانىنا قاتىستى تٷسٸنٸك بەردٸ, دەپ حابارلايدى "ۇلت اقپارات".
«بٷگٸنگٸ كٷنٸ اسىل تۇقىمدى مالدىڭ ٷلەس سالماعى ٶسۋٸنٸڭ وڭ سەرپٸنٸ ساقتالۋدا. مىسالى, ەگەر 2010 جىلدىڭ 1 قاڭتارىنا شارۋاشىلىقتىڭ بارلىق ساناتتارىنداعى اسىل تۇقىمدى ٸرٸ قارا مالدىڭ (ٸقم) سانى 344,1 مىڭ باستى قۇراسا نەمەسە اسىل تۇقىمدى مالدىڭ جالپى مال باسىنا شاققانداعى ٷلەس سالماعى 2,9% قۇراسا, 2021 جىلدىڭ 1 قاڭتارىنا شارۋاشىلىقتىڭ بارلىق ساناتتارىنداعى اسىل تۇقىمدى ٸقم سانى 978,6 مىڭ باستى قۇرادى نەمەسە اسىل تۇقىمدى مالدىڭ جالپى مال باسىنا شاققانداعى ٷلەس سالماعى 12,5%-عا دەيٸن ٶستٸ, ونىڭ ٸشٸندە نەگٸزگٸ مال باسى قازاقتىڭ اقباس جەنە ەۋليەكٶل تۇقىمدارىنا تيەسٸلٸ», - دەلٸنگەن ٷكٸمەت باسشىسى ورىنباسارىنىڭ دەپۋتاتتار ساۋالىنا بەرگەن جاۋابىندا .
ونىڭ ايتۋىنشا, رەپرودۋكتور شارۋاشىلىقتار ارقىلى جىل سايىن 109 مىڭنان استام اسىل تۇقىمدى تٶل ەلٸمٸزدٸڭ فەرمەرلٸك شارۋاشىلىقتارىنا ٶتكٸزٸلەدٸ.
«سونداي-اق اسىل تۇقىمدى ۇساق مال باسىنىڭ (ۇم) دا ٶسۋٸ بايقالادى. مىسالى سوڭعى 10 جىلدا اسىل تۇقىمدى ۇم سانى 959,5 مىڭ باستان 2 725,7 مىڭ باسقا جەتتٸ نەمەسە 139,1%-عا ٶستٸ, اسىل تۇقىمدى جىلقى سانى 109 مىڭ باستان 225,7 مىڭ باسقا جەتتٸ نەمەسە 207 پايىزعا ٶستٸ. سونىمەن قاتار, سوڭعى جىلدارى ەتتٸ باعىتتاعى تۇقىمدىق بۇقالاردى پايدالانا وتىرىپ, ٸقم-نٸڭ انالىق باسىمەن سەلەكتسييالىق جەنە اسىل تۇقىمدىق جۇمىس باعدارلاماسىنا (تۇقىمدىق تٷرلەندٸرۋ) قاتىسۋشى شارۋاشىلىقتار سانىنىڭ ٶسۋٸ بايقالدى», - دەيدٸ ر. سكليار.
مىسالى, 2016 جىلى ٸقم تۇقىمدىق تٷرلەندٸرۋمەن اينالىساتىن شارۋاشىلىقتاردىڭ سانى 15,8 مىڭدى قۇرادى, 2020 جىلدىڭ قورىتىندىسى بويىنشا 25,3 مىڭ فەرمەرلٸك شارۋاشىلىق تۇقىمدىق تٷرلەندٸرۋمەن اينالىسۋدا.
«ايتا كەتۋ كەرەك, مەملەكەتتٸك قولداۋ شارالارى ەسەبٸنەن ۇيىمداستىرىلعان شارۋاشىلىقتاردا مال ٶنٸمدٸلٸگٸنٸڭ ٶسۋٸ بايقالادى, اۋىل شارۋاشىلىعى كەسٸپورىندارىنداعى مالدىڭ ورتاشا تٸرٸدەي سالماعى سوڭعى بەس جىلدا 2,5%-عا نەمەسە 400 كەلٸدەن 411 كەلٸگە دەيٸن ٶستٸ», - دەدٸ ول.
بۇدان بۇرىن حابارلانعانداي, مەجٸلٸستٸڭ جالپى وتىرىسىندا دەپۋتات امانعالي بەردالين ەلٸمٸزدٸڭ كليمات ەرەكشەلٸگٸنە بەيٸمدەلگەن وتاندىق اسىل تۇقىمدى مال ساپاسىن ارتتىرۋ مەسەلەسٸن كٶتەرٸپ, دەپۋتاتتىق ساۋالىن پرەمەر-مينيستردٸڭ ورىنباسارى رومان سكليارعا جولدادى.
