بەس جىل ٸشٸندە قۇرىلىس جۇمىستارىنىڭ كٶلەمٸ 1,5 ەسە ٶسكەن. بۇل تۋرالى قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ كەڭەيتٸلگەن القا مەجٸلٸسٸندە ايتىلدى, دەپ حابارلايدى قازاقپارات .
«تۇرعىن ٷي سەكتورىنا ينۆەستيتسييا جىل سايىن ۇلعايادى. ٶتكەن جىلى 1,4 ترلن تەڭگە ينۆەستيتسييا سالىندى, بۇل 2018 جىلعى دەڭگەيدەن 16,9 % جوعارى», - دەيدٸ قازاقستان رەسپۋبليكاسى يندۋسترييا جەنە ينفراقۇرىلىمدىق دامۋ بٸرٸنشٸ ۆيتسە-مينيسترٸ قايىربەك ٶسكەنباەۆ.
ونىڭ ايتۋىنشا, 2019 جىلدىڭ قورىتىندىسى بويىنشا «نۇرلى جەر» باعدارلاماسى اياسىندا 13,1 ملن شارشى مەتر تۇرعىن ٷي پايدالانۋعا بەرٸلگەن.
«بۇل 2018 جىلعى دەڭگەيدەن 4,9 پايىزعا جوعارى. باعدارلامانىڭ جىلدىق جوسپارى 100% ورىندالدى. شامامەن 116 مىڭ وتباسى, سونىڭ ٸشٸندە مەملەكەتتٸك ينۆەستيتسييالار ەسەبٸنەن 29 مىڭ وتباسى ٶزدەرٸنٸڭ تۇرعىن ٷي جاعدايىن جاقسارتتى. بيىل بٸزدٸڭ الدىمىزدا 14,1 ملن شارشى مەتر تۇرعىن ٷي نەمەسە 130 مىڭنان استام تۇرعىنجاي سالۋ مٸندەتٸ تۇر», - دەيدٸ ول.
