Bes jyl ishinde qurylys jumystarynyń kólemi 1,5 ese ósken. Bul týraly QR Indýstriia jáne infraqurylymdyq damý ministrliginiń keńeitilgen alqa májilisinde aityldy, dep habarlaidy QazAqparat .
«Turǵyn úi sektoryna investitsiia jyl saiyn ulǵaiady. Ótken jyly 1,4 trln teńge investitsiia salyndy, bul 2018 jylǵy deńgeiden 16,9 % joǵary», - deidi Qazaqstan Respýblikasy indýstriia jáne infraqurylymdyq damý birinshi vitse-ministri Qaiyrbek Óskenbaev.
Onyń aitýynsha, 2019 jyldyń qorytyndysy boiynsha «Nurly jer» baǵdarlamasy aiasynda 13,1 mln sharshy metr turǵyn úi paidalanýǵa berilgen.
«Bul 2018 jylǵy deńgeiden 4,9 paiyzǵa joǵary. Baǵdarlamanyń jyldyq jospary 100% oryndaldy. Shamamen 116 myń otbasy, sonyń ishinde memlekettik investitsiialar esebinen 29 myń otbasy ózderiniń turǵyn úi jaǵdaiyn jaqsartty. Biyl bizdiń aldymyzda 14,1 mln sharshy metr turǵyn úi nemese 130 myńnan astam turǵynjai salý mindeti tur», - deidi ol.
