قازاقستاننىڭ بٸرٸنشٸ راكەتكاسى ەلەنا رىباكينا ٷزدٸك 20 تەننيسشٸنٸڭ قاتارىنا كٸردٸ, دەپ حابارلايدى "ۇلت اقپارات".
بٷگٸن جاڭارتىلعان WTA رەيتينگٸسٸندە 20 جاستاعى قازاقستاندىق تەننيسشٸ 25-تەن 19-ورىنعا كٶتەرٸلدٸ.
بۇل قازاقستان ٷشٸن رەكوردتىق كٶرسەتكٸش بولىپ سانالادى. 2012 جىلى 29 قازاندا ياروسلاۆا شۆەدوۆا 25-راكەتكا اتانعان ەدٸ.
تاعى بٸر قازاقستاندىق يۋلييا پۋتينتسەۆا 34-تەن 32-گە جوعارىلاسا, زارينا ديياس بۇرىنعى 63-ورنىندا قالدى.
ەلەمدٸك رەيتينگ كٶشٸن بۇرىنعىشا اۋسترالييالىق ەشلي بارتي باستاپ كەلەدٸ. رۋمىنييالىق سيمونا حالەپ ەكٸنشٸ, چەحييالىق كارولينا پليشكوۆا ٷشٸنشٸ ورىندا.
ەرلەر اراسىندا قازاقستاننىڭ بٸرٸنشٸ راكەتكاسى الەكساندر بۋبليك 56-دان 55-كە كٶتەرٸلسە, ميحايل كۋكۋشكين 67-دەن 69-عا سىرعىدى. دميتريي پوپكو 173-تەن 168-گە شىقتى.
مۇندا سەربييالىق نوۆاك دجوكوۆيچ كٶش تٸزگٸنٸن ۇستاسا, يسپانييالىق رافاەل نادال ەكٸنشٸ, شۆەيتسارييالىق رودجەر فەدەرەر ٷشٸنشٸ ورىندا تۇر.
ەسكە سالا كەتەيٸك, بۇدان بۇرىن ە.رىباكينانىڭ سانكت-پەتەربۋرگ تۋرنيرٸنٸڭ فينالىندا ەسە جٸبەرگەنٸن جازعان بولاتىنبىز.
ە.رىباكينانىڭ پرەمەر دەڭگەيٸندەگٸ تاعى بٸر تۋرنير – بٷگٸن باستالاتىن دۋباي دوداسىندا سەتتٸ ٶنەر كٶرسەتسە, رەيتينگٸسٸن ودان سايىن جاقسارتاتىنداي مٷمكٸندٸگٸ بار. بۇل جارىستىڭ العاشقى اينالىمىندا ول ەلەمنٸڭ 7-راكەتكاسى, بيىلعى اۋسترالييا اشىق چەمپيوناتىنىڭ جەڭٸمپازى, امەريكالىق سوفييا كەنينمەن كٷش سىناسادى.
