فوتو: Instagram/porschetennis
ەلەمنٸڭ ەكٸنشٸ راكەتكاسى ەلەنا رىباكينا گەرمانييانىڭ شتۋتگارت قالاسىندا ٶتكەن WTA 500 ساناتىنداعى بەدەلدٸ تۋرنيردە توپ جارىپ, جارىستىڭ ەكٸ دٷركٸن چەمپيونى اتاندى, دەپ حابارلايدى Ult.kz.
فينالدا قازاقستاندىق تەننيسشٸ ەلەمدٸك رەيتينگتە 12-ورىندا تۇرعان چەحييالىق كارولينا مۋحوۆامەن كەزدەستٸ. بۇعان دەيٸن قارسىلاستار ٷش مەرتە جولىعىپ, ونىڭ ەكەۋٸندە مۋحوۆا باسىم تٷسكەن ەدٸ.
شەشۋشٸ ماتچتى رىباكينا سەنٸمدٸ باستادى — العاشقى گەيمدەردە 3:0 ەسەبٸمەن العا شىقتى. الايدا سەتكە دوپ بەرگەن سەتتە قاتەلٸككە بوي الدىرىپ, ەسەپ تەڭەستٸ — 5:5. سوعان قاراماستان, قازاقستاندىق تەننيسشٸ تاعى بٸر برەيك جاساپ, العاشقى پارتييانى 7:5 ەسەبٸمەن ٶز پايداسىنا اياقتادى.
ەكٸنشٸ سەتتە رىباكينا تولىق باسىمدىق تانىتتى. قوس برەيك جاساپ, 5:0 ەسەبٸمەن العا شىعىپ, ماتچ تاعدىرىن ٸس جٷزٸندە شەشتٸ. اقىرىندا چەمپيوندىق ۇپايدى سەتتٸ ورىنداپ, كەزدەسۋدٸ 6:1 ەسەبٸمەن تٷيٸندەدٸ.
1 ساعات 19 مينۋتقا سوزىلعان ويىندا رىباكينا 3 ەيس جاساپ, 8 برەيك-پوينتتىڭ تٶرتەۋٸن تيٸمدٸ پايدالاندى. ال مۋحوۆا 2 ەيس پەن 1 برەيككە قول جەتكٸزدٸ.
وسىلايشا, ەلەنا رىباكينا شتۋتگارتتاعى تۋرنيردە ەكٸنشٸ رەت چەمپيون اتانىپ وتىر. ايتا كەتەيٸك, ول بۇل جارىستا 2024 جىلى دا جەڭٸسكە جەتكەن بولاتىن. ٶتكەن ماۋسىمدا قاتىسپاعانىنا قاراماستان, قازاقستاندىق سپورتشى شتۋتگارتتاعى جەڭٸس سەريياسىن 8 ماتچقا دەيٸن جەتكٸزدٸ.
