تانىمال Sportskeeda.com سپورت پورتالى قازاقستاننىڭ جەنە ەلەمنٸڭ بٸرٸنشٸ راكەتكاسى ەلەنا رىباكينا مەن بەلارۋس ٶكٸلٸ ارينا سوبولەنكو اراسىنداعى US Open فينالىنا بولجام جاسادى, دەپ حابارلايدى ult.kz.
سوبولەنكو قازٸرگٸ US Open چەمپيونى. الايدا فينال نەتيجەسٸنە قاراماستان, اقش اشىق چەمپيوناتى اياقتالعان سوڭ ول ەلەمدٸك رەيتينگتەگٸ بٸرٸنشٸ ورىنىنان ايىرىلادى. بۇل ورىن ەلەنا رىباكيناعا بۇيىرادى.
Sportskeeda ساراپشىلارىنىڭ مەلٸمەتٸنشە, ەكٸ تەننيسشٸنٸڭ ٶزارا كەزدەسۋٸندە سوبولەنكو 10:7 ەسەبٸمەن الدا كەلەدٸ. ال فينالدىق كەزدەسۋلەردە 4:2 نەتيجەسٸمەن رىباكينانىڭ باسىم تۇر.
بيىل تەننيسشٸلەر فينالدا بٸر-بٸرٸن بٸر رەتتەن جەڭگەن. سوبولەنكو قازاقستاندىق سپورتشىعا قارسى ٷش سەتكە سوزىلعان كەزدەسۋلەردە جاقسىراق ٶنەر كٶرسەتٸپ, ون ماتچتىڭ سەگٸزٸندە جەڭٸسكە جەتكەن.
ال رىباكينا بٸرٸنشٸ سەتتە جەڭٸسكە جەتكەن جاعدايدا قارسىلاسىن ۇتۋعا مٷمكٸندٸگٸ جوعارى. ەكٸ سەتتە اياقتالعان ٶزارا كەزدەسۋلەردە قازاقستاندىق تەننيسشٸنٸڭ باسىمدىعى 5:2.
ەكٸ سپورتشى دا سوڭعى ەكٸ اپتادا جوعارى دەڭگەيدە ٶنەر كٶرسەتٸپ كەلەدٸ. سوبولەنكو US Open تۋرنيرٸندە ەڭ كٶپ ۆيننەر, ياعني ۇتقىر سوققى جاساعان تەننيسشٸ بولسا, رىباكينا ەيس سانى بويىنشا كٶش باستاپ تۇر.
رىباكينا قازٸردٸڭ ٶزٸندە سوبولەنكودان ەلەمدٸك رەيتينگتەگٸ بٸرٸنشٸ ورىندى تارتىپ الدى. ال بەلارۋس تەننيسشٸسٸ US Open-دەگٸ چەمپيوندىق اتاعىن قورعاۋعا بار كٷشٸن سالاتىنى انىق.
«بٸرنەشە اي بويى سەتسٸز ٶنەر كٶرسەتكەن سوبولەنكو دەل كەرەك ۋاقىتتا بابىنا قايتا كەلگەن سيياقتى. ال رىباكينا سوڭعى ەكٸ راۋندتا قيىن جاعدايلاردان شىعىپ, قىسىم كەزٸندە ٶزٸن جاقسى ۇستاي الاتىنىن كٶرسەتتٸ. بۇل ماتچتاعى نەگٸزگٸ فاكتور دوپ شىعارۋدىڭ ساپاسىندا بولادى. رىباكينا ٶزٸ بەرگەن دوپتارداعى گەيمدەردە تۇراقتىراق وينايدى. بۇل وعان مانسابىنداعى ٷشٸنشٸ «ٷلكەن دۋلىعا» تيتۋلىن جەڭٸپ الۋعا كٶمەكتەسۋٸ مٷمكٸن. بولجام: ەلەنا رىباكينا ٷش سەتتە جەڭٸسكە جەتەدٸ», دەپ جازىلعان ماتەريالدا.
ەسكە سالايىق, US Open-2026 تۋرنيرٸنٸڭ ەلەنا رىباكينا – ارينا سوبولەنكو اراسىنداعى فينالدىق بەسەكە 12 قىركٷيەكتەن 13-نە قاراعان تٷنٸ قازاقستان ۋاقىتى بويىنشا ساعات 01:00 باستالادى.
