قازاقستاننىڭ بٸرٸنشٸ, ەلەمنٸڭ 22-راكەتكاسى ەلەنا رىباكينا پاريجدە ٶتٸپ جاتقان رولان گارروس تۋرنيرٸنٸڭ شيرەك فينالىنا شىقتى, دەپ حابارلايدى "ۇلت اقپارات".
جۋىردا 22-گە تولاتىن رىباكينا تٶرتٸنشٸ اينالىمدا اتاقتى امەريكالىق, «ٷلكەن دۋلىعا» تۋرنيرلەرٸنٸڭ 23 دٷركٸن جەڭٸمپازى, قازٸرگٸ كەزدە رەيتينگتە 8-ساتىدا تۇرعان 39 جاستاعى سەرەنا ۋيليامسپەن كورتقا شىقتى.
بۇل - ولاردىڭ ٶزارا العاشقى كەزدەسۋٸ ەدٸ. بۇعان دەيٸن قازاقستاندىق تەننيسشٸلەر س.ۋيليامستٸ جەڭٸپ كٶرمەگەن.
ماتچتى قارقىندى باستاعان قازاقستاندىق تەننيسشٸ 4:1 ەسەبٸمەن العا كەتتٸ.
بۇدان كەيٸن امەريكالىق سپورتشى ەسەپتٸ قىسقارتقانىمەن, رىباكينا قايىرا برەيك جاساپ, سەتكە دوپ بەرگەندە, ٶز مٷمكٸندٸگٸن جٸبەرمەدٸ – 6:3.
ەكٸنشٸ پارتييانى ەلەنا برەيكپەن باستاعانىمەن, تەجٸريبەلٸ قارسىلاسى تارازى باسىن تەڭەستٸرٸپ ٷلگەردٸ.
ەسەپ 3:3 بولعان مەزەتتە قازاقستاندىق تەننيسشٸ برەيك جاساپ, قايتا العا شىقتى. بٸراق ٶز گەيمٸندە قاتەلٸككە جول بەردٸ – 4:4.
دەگەنمەن ەسەپ 5:5 بولعاندا, تاعى بٸر برەيككە قول جەتكٸزدٸ – 6:5. سودان كەيٸن بٸرٸنشٸ ماتچبولىن پايدالانا بٸلدٸ – 7:5.
بەسەكە 1 ساعات 18 مينۋتقا سوزىلدى.
وسىلايشا قازاقستاندىق تەننيسشٸ ٶز سپورتتىق جولىندا العاش رەت رولان گارروس تۋرنيرٸنٸڭ شيرەك فينالىنا ٶتتٸ.
ە.رىباكينا جارتىلاي فينالعا شىعۋ ٷشٸن ەلەمنٸڭ 32-راكەتكاسى, رەسەيلٸك اناستاسييا پاۆليۋچەنكوۆامەن تالاسادى. ول تٶرتٸنشٸ اينالىمدا بەلارۋس ٶكٸلٸ ۆيكتورييا ازارەنكونى 5:7, 6:3, 6:2 ەسەبٸمەن ۇتتى.
بٸر قىزىعى, رىباكينا پاۆليۋچەنكوۆامەن بٸرگە فرانتسييا اشىق چەمپيوناتىندا جۇپتىق سىندا دا تابىستى ٶنەر كٶرسەتۋدە, ولار ٷشٸنشٸ اينالىمعا ٶتكەن بولاتىن.
