ٸشكٸ ٸستەر مينيسترلٸگٸنٸڭ تەرگەۋ دەپارتامەنتٸ الماتى قالالىق پروكۋراتۋراسىنىڭ قاداعالاۋىمەن الاياقتىق بويىنشا تەرگەلٸپ جاتقان قىلمىستىق ٸس شەڭبەرٸندە «Wall Street Invest Partners» جشس باس ديرەكتورى م.نٷسٸپبەكوۆتٸ ۇستادى, دەپ حابارلايدى "ۇلت اقپارات" قر ٸٸم-نٸڭ Polisia.kz سايتىنا سٸلتەمە جاساپ.
«TeleTrade Central Asia» جشس مەن «Wall Street Invest Partners» جشس باسشىلارى ٶڭٸرلەردە فيليالدار اشىپ, مەنەدجەرلەردٸ جالداعان. ەلەكتروندىق بيرجادا زور پايداعا كەنەلتەتٸنٸن ۋەدە ەتٸپ, كليەنتتەردٸ تارتقان. كەيٸن ولاردىڭ اقشاسىن وففشورداعى ٶز شوتتارىنا اۋدارىپ, جيعان سومانى جىمقىرىپ وتىرعان. اتالمىش كومپانييالار ٶز جۇمىسىن شەتەلدٸك Tele Trade D.J. LTD كومپانيياسىمەن جاسالعان كەلٸسٸمشارتپەن بٷركەمەلەپ جٷرگٸزگەن. بۇل كومپانييانى تٸركەگەن ۇيىمداستىرۋشىلاردىڭ ٶزدەرٸ. ول قازاقستان مەن رەسەي ازاماتتارىنىڭ اتىنا جازىلعان. سونىمەن بٸرگە شەتەلدٸك بانكتەردەن شوت اشىلعان.
ايتا كەتەرلٸگٸ, بۇدان بۇرىن قىلمىستىق سحەمانىڭ ۇيىمداستىرۋشىسى ەرٸ باسشىسى – «TeleTrade Central Asia» جشس باسشىسى ب.ەسپولوۆ ۇستالىپ, سوت سانكتسيياسىمەن قاماۋعا الىنعان ەدٸ.
«TeleTrade قىلمىسىنىڭ رەسەيلٸك قاتىسۋشىلارىنا قاتىستى سول ەلدٸڭ قۇقىق قورعاۋشىلارى تەرگەۋ جٷرگٸزٸپ جاتىر.
TeleTrade Central Asia باسشىسى ۇستالاتىن كٷنٸ نۇر-سۇلتان, الماتى, شىمكەنت قالالارى مەن اقتٶبە, قاراعاندى مەن ماڭعىستاۋ وبلىسىنداعى فيليال كەڭسەلەرٸنە تەرگەۋشٸلەر تٸنتۋ جٷرگٸزٸپ, قىلمىسقا قاتىستى قۇجاتتاردى تەركٸلەدٸ.
قازٸرگٸ تاڭدا اتالعان كومپانييالاردىڭ باسشىلارىن قىلمىستىق جاۋاپكەرشٸلٸككە تارتۋ تۋرالى جەبٸرلەنۋشٸلەردەن ارىز تٷسۋدە. ٸٸم ٶز تاراپىنان «TeleTrade Central Asia» جشس, «Wall Street Invest Partners» جشس مەن «TeleTrade D.J. LTD» جشس قىلمىستىق ٸسٸنەن زارداپ شەككەن باسقا دا ازاماتتاردى ٸٸم-نٸڭ تەرگەۋ دەپارتامەنتٸنە جٷگٸنۋدٸ سۇرايدى», - دەلٸنگەن اقپاراتتا.
ەسكە سالا كەتەيٸك 22 مامىر كٷنٸ الماتىدا ٸٸم-نٸڭ تەرگەۋ دەپارتامەنتٸ الاياقتىق فاكتٸسٸ بويىنشا «TeleTrade Central Asya» جشس باسشىسىن ۇستاپ, ۋاقىتشا وقشاۋلاعىشقا قاماعان ەدٸ.
