قازٸرگٸ كەزدە تۇتىنۋشىلاردىڭ تالعامى تەز ٶزگەردٸ. ال ۋاقىتتىڭ تالابىنا ساي بەيٸمدەلە الماعان ساۋداگەرلەر ارتتا قالادى. ادامنىڭ جاقسى دٷنيەگە تەز ٷيرەنەتٸنٸ انىق. ينتەرنەت-دٷكەننٸڭ راحاتىن كٶرگەن جۇرت عالامتورداعى ەر ساۋدا ورنىنان تاپ وسىنداي دەرەجەدە قىزمەت كٶرسەتۋٸن كٷتەدٸ. حالىقتىڭ قاجەتتٸلٸگٸن اقتاۋ ٷشٸن ساتۋشىلاردىڭ جالعىز امالى بار. ول – كەسٸبٸنە ٷزدٸكسٸز يننوۆاتسييا مەن جاڭاشىلدىقتار ەندٸرۋ. جاڭا 3D-تەحنولوگييالارى – ينتەرنەتتەگٸ ساۋدانى تٷبەگەيلٸ ٶزگەرتٸپ, رەۆوليۋتسييا جاساۋعا قاۋقارلى كٷش.
تاۋارلاردى 3D كەسكٸندەۋ
ينتەرنەتتەگٸ جۇمىس قولايلىعى مەن كەدٸمگٸ دٷكەندەردەن گٶرٸ اۋقىمدى اسسورتيمەنتٸنە قاراماستان, ەلەكتروندى ساۋدانىڭ دا ٶز كەمشٸلٸكتەرٸ بار. مەسەلەن, تاۋاردى ساتىپ الماس بۇرىن كەدٸمگٸ دٷكەندەگٸدەي جان-جاقتى قاراۋعا مٷمكٸندٸك جوق. دەلٸرەك ايتساق, وسى كەزگە دەيٸن بولعان جوق. ەندٸ 3D-كەسكٸندەۋ ارقاسىندا ساتۋشى تۇتىنۋشىلارىنا تاۋارلارىنىڭ ينتەراكتيۆتٸ كٶلەمدٸ كەسكٸنٸن ۇسىنا الادى. ساتىپ الار الدىندا, ونى مۇقييات زەرتتەي الادى. كەسكٸنٸن ٷلكەيتٸپ, كٸشٸرەيتەدٸ, قالاعان جاعىنا بۇرىپ, بار قىرىنان كٶرەدٸ. كەيبٸر ساتۋشىلار ينتەرنەتتەگٸ ساۋداسىنىڭ ساپاسىن كٶتەرۋ امالى رەتٸندە تاۋارلارىن كٶرسەتەتٸن بەينەروليكتەردٸ پايدالانىپ وتىر. الايدا جاقىندا جٷرگٸزٸلگەن ساۋالناماعا قاراعاندا, جۇرتتىڭ 95 پايىزى ودان گٶرٸ ينتەراكتيۆتٸ ٷش ٶلشەمدٸ كەسكٸنگە كٶڭٸلٸ اۋعان.
تاۋارلاردىڭ 3D كەسكٸندەۋٸ تۇتىنۋشىلارعا ولاردىڭ ساپاسىن تەكسەرۋگە مٷمكٸندٸك بەرٸپ, ساتىلىمدار كٶرسەتكٸشٸنە دە تٸكەلەي ەسەر ەتتٸ. مۇنى كونۆەرسييا دەڭگەيٸندە, ياعني سايتقا كٸرگەندەردٸڭ جالپى سانىندا ناقتى بٸر قيمىل جاساعانداردىڭ ٷلەسٸنەن ايقىن بايقاۋعا بولادى.
شىعىس ەۋروپاداعى سەن-سالتانات زاتتارىن ساتاتىن ەڭ ٸرٸ ەمبەباپ دٷكەندەردٸڭ بٸرٸ – تسۋم 40 مىڭنان اسا تاۋار تٷرٸن 3D كەسكٸنگە تسيفرلاندىرعان. بۇل قىسقا مەرزٸمدە زور مٶلشەردە ٶنٸمدەردٸ كەسكٸندەۋگە بولاتىنىن ايعاقتاپ وتىر. ەڭ باستىسى, بۇل ٷشٸن دۇرىس قۇرالىڭىز بولۋى كەرەك, ٶيتكەنٸ 3D ٶلشەمدٸ كەسكٸندەۋگە قولدانىلاتىن امالداردىڭ كٶبٸندە ەلەۋلٸ كەمشٸلٸكتەر بار. ولار قىمبات قۇرال-جابدىقتى قاجەت ەتەدٸ جەنە كٶپ ۋاقىت الادى. ال بۇل ٷلكەن كاتالوگتار جاساۋ ٷشٸن جارامايدى. تەك جاقىندا عانا كەز كەلگەن دەنەنٸڭ ٷش ٶلشەمدٸ كەسكٸنٸن جاساۋ وڭايلاندى. ەندٸ بۇل ٷش ساتىدان تۇراتىن جەڭٸل جۇمىسقا اينالا باستادى. تاڭداعان نىسانىڭىزدى تسيفرلٸ كامەراعا تٷسٸرەسٸز, وسىدان كەيٸن ونى ٶڭدەيتٸن پلاتفورماعا جٷكتەيسٸز. 3D كەسكٸنٸ دايىن بولىسىمەن ۆەب-سايت, ۇيالى قوسىمشا نەمەسە 3D / AR / VR قوسىمشالارىنا نە قالاعان جەرٸڭٸزگە ورناتا الاسىز. قولدانۋداعى تيٸمدٸلٸگٸمەن قاتار, ٷش ٶلشەمدٸ كەسكٸندەۋگە ارنالعان جاڭا SaaS تەحنولوگيياسى ٶتە جىلدام. ول بۇرىنعىلارمەن سالىستىرعاندا 10 ەسە شاپشاڭ جەنە ارنايى قۇرال-جابدىقتى قاجەت ەتپەيدٸ.
3D-كەسكٸندەۋدٸ قولدانۋدىڭ ٷلگٸلەرٸ
ساتۋشىلار ٷشٸن تاۋاردى تسيفرلاندىرۋدا كەزدەسەتٸن تاعى دا بٸر قيىندىق بولدى. سوڭعى ۋاقىتقا دەيٸن جٸبەك, بىلعارى مەن زەرگەرلٸك بۇيىمدار سەكٸلدٸ قارا تٷستٸ نەمەسە جىلتىر, مٶلدٸر زاتتاردى جەنە پٸشٸنٸ مەن فاكتۋراسى ەرەكشەلەنەتٸن تاۋارلاردى ٷش ٶلشەمدە مودەلدەۋ جەنە ٷش ٶلشەمدە سكانەرلەۋ مٷمكٸن ەمەس ەدٸ. دەگەنمەن, 3D-كەسكٸندەۋدٸڭ ارقاسىندا بۇل سيپاتتارى دا كەدەرگٸ بولۋدان قالدى.
كٶلەمٸ ٷلكەن بۇيىمداردى ساتاتىن ينتەرنەت-دٷكەندەر ٶنٸمٸنٸڭ مٶلشەرٸ مەن تٷرٸ جەنە قاي ماتەريالدان جاسالعانىن ايقىن كٶرسەتۋ ٷشٸن ٷش ٶلشەمدٸ كەسكٸندەۋ قۇرالىن قولدانادى. مىسالى, جول ساندىقتارىن ساتاتىن «Samsonite» قۇرىلعى ارقاسىندا تاۋارلارىنىڭ ونلاين-تانىستىرىلىمدارىن بارىنشا شىنايى جاساعان.
«تۇتىنۋشىلارىمىزعا تاۋارلاردى مۇقييات زەرتتەۋ مٷمكٸندٸگٸ ماڭىزدى, ال 3D-كەسكٸندەۋ ونلاين-ساۋدا مەن كەدٸمگٸ دٷكەندەر اراسىندا الشاقتىقتى ەڭسەرۋگە مٷمكٸندٸك بەرەدٸ», – دەيدٸ «Samsonite» كومپانيياسىنىڭ ەلەكتروندى ساۋدا بويىنشا ۆيتسە-پرەزيدەنتٸ دجەي نيگرەللي.
ودان كٸشٸ ەرٸ نەزٸك بۇيىمداردى دا 3D تٷرٸندە تسيفرلاندىرۋعا بولادى. بۇعان مىسال رەتٸندە ەلەكتروندى قۇتتىقتاۋلار سالاسىندا كٶش باستاپ جٷرگەن «American Greetings» كومپانيياسىن كەلتٸرۋگە بولادى. ولار ٶز سايتىندا جوعارى ساپالى فوتوگرافييالارمەن قوسا 3D-كەسكٸندەردٸ دە ۇسىنىپ وتىر.
كەڭ قولدانىلىپ جٷرگەن قۇرالدارمەن قۇتتىقتاۋ حاتتارىنىڭ تٷرٸن ينتەرنەتتە دەل كەلتٸرۋ مٷمكٸن ەمەس, سول سەبەپتەن «American Greetings» ٶنٸمدەرٸن 3D تٷردە كەسكٸندەپ, ٶز كٷردەلٸ مەسەلەسٸن شەشتٸ دەۋگە بولادى. ەدەتتە قۇتتىقتاۋ حاتتارىندا جىلتىراق, بەدەرلٸ جەنە ٶزگە دە ەشەكەيلەر بولادى. ال ٶنٸمگە سەن كەلتٸرەتٸن بۇل دٷنيەنٸڭ بەرٸن دەستٷرلٸ 2D- تٷرٸندەگٸ فوتوسۋرەتتە باعالاۋ قيىن.
ٸش كيٸمدٸ دە 3D تٷرٸندە تسيفرلاندىرۋعا بولادى, مۇنى «F3 Studio» ەۋروپالىق سەن برەندٸ دەلەلدەگەن. ەسەم ەرلەۋٸ مەن شٸلتەر بەزەكتەرٸ 3D-كەسكٸندەۋ تەحنولوگيياسى ٷشٸن قيىندىق تۋعىزبايدى.
كەيبٸر زەرگەرلٸك برەندتەر دە زاماننان ارتتا قالعىسى كەلمەيدٸ. «Guérin Joaillerie» ەۋروپاداعى پرەميۋم-برەند اسىل تاستارىنىڭ جارقىراۋى مەن مٶلدٸرلٸگٸن, سەۋلە شاشۋىن جەنە ەرەكشە ديزاينىن ايقىن كٶرسەتۋ ٷشٸن 3D-كەسكٸندەۋدٸ قولدانعان. ەرينە, اسىل تاستاردىڭ مۇنداي قاسيەتتەرٸن ٶزگە تەسٸلدەرمەن جەتكٸزۋ قيىن.
زەرگەرلٸك بۇيىمدار ساۋداسى ايرىقشا كەسٸپ. تۇتىنۋشىلاردىڭ كٶبٸسٸ ونلاين تٷردە اسىل تاستاردى ساتىپ الۋعا كٷمەنمەن قارايدى. ال ەندٸ تەك ساۋساق ۇشىمەن جەدٸگەردٸڭ بٷكٸل قىرىن قاراۋعا مٷمكٸندٸك بەرەتٸن ينتەراكتيۆتٸ كەسكٸندەۋ وسى كٷدٸكتەردٸ سەيٸلتە الادى.
ٶنٸمدەردٸ 3D-كەسكٸندەۋ سالاسىنا ارنالعان جاساندى ينتەللەكت قۇرالدارى
بيزنەس-شەشٸمدەردٸ قابىلداۋ ٸسٸ دەرەكقورلارعا كٶبٸرەك سٷيەنە باستاعاندىقتان, ٶلشەۋٸش كٶرسەتكٸشتەرٸنە سۇرانىس كٷرت ارتقان. بٷكٸل سالاداعى ماركەتولوگتار كونۆەرسييا كوەففيتسيەنتٸ, ۆەب-سايتقا كٸرگەندەر سانى جەنە تۇتىنۋشىلارمەن ٶزارا ەرەكەتتەسۋ دەڭگەيٸن ماڭىزدى باعدارلار رەتٸندە قاراستىرادى. بٸراق كەيبٸرەۋٸ جاڭا كٶرسەتكٸشتەردٸ جۇمىسىندا قولدانۋ قاجەتتٸگٸن ەلٸ دە سەزبەي جٷرگەندەي.
2019 جىلى شىققان جاساندى ينتەللەكت قۇرالدارى تۇتىنۋشىلار ۆەب-سايتتارداعى تاۋار كەسكٸندەرٸمەن قانداي قيمىلدار جاسايتىنىن قاداعالاپ, ەڭ باياندى كٶرسەتكٸشتەرٸن جىلۋ كارتاسىنا تٷسٸرە الادى.
قاي قىرىنان قانشا ۋاقىت قاراعانىن جەنە قاي تۇستارى ەڭ كٶپ قىزۋعىشىلىق تۋعىزعانىن بەلگٸلەيدٸ, سونداي-اق تۇتىنۋشىلاردىڭ قىلىعىنا قاراپ, ساتىلۋ مٷمكٸندٸگٸن بولجاپ بەرەدٸ.
