ەلٸمٸزدەگٸ ە-كوممەرتسييا جىل سايىن 30 پايىزعا ارتىپ كەلەدٸ. بۇل تۋرالى «قازپوشتا» اق باسقارما تٶراعاسى ساكەن سارسەنوۆ ٶزٸنٸڭ Facebook پاراقشاسىندا جازدى.
«قازاقستاننىڭ ەلەكروندىق ساۋدا بويىنشا ٷلكەن بولاشاعى بار. جىل ساناپ 30 پايىزعا ٶسٸپ وتىراتىن سالانىڭ بٸرٸ – ونلاين ساۋدا. بۇل سالا ارقىلى قوماقتى قاراجات تابۋعا مٷمكٸندٸك بار. شىنايى مىسال رەتٸندە ايتسام, بٸزدٸڭ ولجاس نۇرالدينوۆ دەگەن تۇتىنۋشىمىز ٶزٸنٸڭ كومپانيياسىن 2013 جىلى اشقان بولاتىن. ول كەزدە ول سەرٸكتەسٸمەن بٸرگە جۇمىس ٸستەيتٸن. سول ۋاقىتتا ولار جىلىنا 15 مىڭ جٶنەلتٸم جٸبەرەتٸن. سوڭعى جىلى اتالعان كومپانيياداعى شتات سانى 210-نان 360 قىزمەتكەرگە دەيٸن جەتتٸ. قازٸرگٸ اي سايىنعى اينالىمدارى – 150 ملن. تەڭگەنٸ قۇراپ وتىر. ال بٷگٸندە ولار جىلىنا ميلليونعا جۋىق تاۋار جٶنەلتەدٸ», – دەدٸ س. سارسەنوۆ.
سونداي-اق, ول ەلەكتروندىق ساۋدانى دامىتۋ ٷشٸن جاقىندا استانا ماڭىنداعى قاراعاندى-استانا تاس جولىندا فۋلفيلمەنت ورتالىعىنىڭ اشىلۋىن ايتتى.
«بۇل ورتالىق ارقىلى ينتەرنەت-دٷكەن يەسٸ قىزمەتتەردٸڭ تولىق تسيكلٸن الا الادى (تاۋاردى قابىلداۋ, ساقتاۋ, جٶنەلتۋ). بۇعان قوسا, ول تاۋارىن قويمالارعا ساقتاۋ كەزٸندە ٷنەمدٸلٸككە قول جەتكٸزٸپ, بايلانىس ورتالىقتارىنىڭ قىزمەتٸن, لوگيستيكالىق جەنە پەرسونالدىق قىزمەتتەردٸ جەدەلدەتە الادى. ەڭ باستىسى – تۇتىنۋشىلارعا تاۋارى ۋاقتىلى جەتكٸزٸلمەك», – دەيدٸ ول.
ەلوردالىق ورتالىقتا بٷگٸنگٸ تاڭدا 20 ينتەرنەت-دٷكەنگە قىزمەت كٶرسەتٸلەدٸ ەكەن. وسىعان سەيكەس, 600 مىڭ تاۋار تٷرٸ قويمادا ساقتاۋلى تۇر. جىلدىڭ باسىنان بەرٸ مۇندا 700 مىڭنان استام تاۋار ساقتالىپ, تۇتىنۋشىلارعا جەتكٸزٸلگەن.
ايتا كەتەرلٸگٸ, اتالمىش ورتالىق مەملەكەتٸمٸزدەگٸ ەلەكتروندىق ساۋدانىڭ ٶركەندەپ, بيزنەستٸڭ دامۋىنا ىقپال ەتەدٸ.
«فۋلفيلمەنت ورتالىعىنىڭ نەگٸزٸندە ينتەرنەت بيزنەسپەن اينالىساتىن كەسٸپكەرلەردٸڭ ٸسٸ داميتىن بولادى. بۇل ورتالىق كەسٸپ يەلەرٸنە كٶپتەگەن قىزمەت تٷرلەرٸن ۇسىنادى. مەسەلەن, تاۋاردى جيناقتاۋ, سۇرىپتاۋ, تاۋاردى جٶنەلتۋ, IT-مامانداردىڭ قىزمەتتەرٸن كٶرسەتەدٸ», – دەپ اتاپ ٶتتٸ «قازپوشتا» اق باسقارما تٶراعاسى.
ونىڭ ايتۋىنشا, قازاقستان ٷكٸمەتٸ ەلٸمٸزدەگٸ ە-كوممەرتسييانى دامىتۋ ماقساتىندا كٶپتەگەن جۇمىستار اتقارىپ جاتىر. ەلەكتروندىق ساۋدانى العا جىلجىتۋعا ارنالعان مەملەكەتتٸك باعدارلاما دا بار. 1-شٸ قاڭتاردان باستاپ كەسٸپكەرلەر تٶلەمدٸ ونلاين فورمات ارقىلى جٷزەگە اسىراتىن بولادى. مۇنىڭ ٶزٸ ينتەرنەت-دٷكەن يەلەرٸ ٷشٸن ايتارلىقتاي كٶمەك.
