قر پرەمەر-مينيسترٸ باقىتجان ساعىنتاەۆ ٷكٸمەتتٸڭ بٷگٸنگٸ وتىرىسىندا باستاۋىش سىنىپ وقۋشىلارىنىڭ اۋىر سٶمكەسٸنە قاتىستى مەسەلەنٸ كٶتەردٸ, دەپ حابارلايدى قازاقپارات تٸلشٸسٸ.
«اتا-انالار تاراپىنان كٶپتەگەن سۇراقتار كەلٸپ تٷسۋدە, وقىتۋدىڭ جاڭا مازمۇنى جٶنٸندە, وقۋشىلاردى باعالاۋ مەسەلەسٸ, ەلەكتروندى جۋرنالدار, باستاۋىش سىنىپ بالالارىنىڭ سٶمكەسٸ اۋىرلاپ كەتتٸ. ولارعا قانداي جاۋاپ بەرە الامىز?», - دەپ ساۋال قويدى پرەمەر-مينيستر قر بٸلٸم جەنە عىلىم مينيسترٸ ەرلان ساعاديەۆكە.
ٶز كەزەگٸندە بٸلٸم جەنە عىلىم مينيسترٸ جاڭارتىلعان مازمۇن بويىنشا تٷسٸندٸرۋ جۇمىستارى جالعاسىپ جاتقانىن, بالالاردىڭ 70 پروتسەنتٸ جاڭا باعدارلاما بويىشا وقيتىنىن اتاپ ٶتتٸ.
«جاڭارتىلعان مازمۇن مەسەلەسٸ شەشٸلگەن, اتا-انالار مەن بالالار تٷسٸنٸپ جاتىر, تاعى بٸر جىل بەرسە, بارلىق تٷسٸنٸسپەۋشٸلٸكتەر ايقىندالادى. سٶمكە مەسەلەسٸن شەشۋدٸڭ جولى - مەكتەپ ٸشٸندە كٸتاپ قالدىراتىن ارنايى شكافتار ەزٸرلەۋ, ونى سىنىپتا نەمەسە دەلٸزدە سالۋعا بولادى. ەلەكتروندى وقۋلىقتار قازٸر دە بار, ونى جيٸ پايدالانادى. جاڭارتىلعان مازمۇنعا كٶشكەن سىنىپتارعا ەلەكتروندى وقۋلىقتار 100 پروتسەنت ەنگٸزٸلگەن. ياعني, قازٸرگٸ ۋاقىتتا بالالاردىڭ 70 پروتسەنتٸنە ەلكتروندى وقۋلىقتار قولجەتٸمدٸ. بٸزدٸڭ جوسپار بويىنشا, الداعى ەكٸ جىلدا وقۋلىقتار 100 پروتسەنت ەلەكتروندى تٷردە شىعادى», - دەدٸ ە. ساعاديەۆ.
سونىمەن بٸرگە, بيىل العاش رەت قاعاز وقۋلىقتار نورماسى, ونىڭ قانداي قاعازدان جاسالاتىنى, پٸشٸمٸ مەن سالماعى بٸر نورماعا كەلتٸرٸلٸپ, تيٸستٸ قۇجاتتار بەكٸتٸلگەن.
«سٶمكەلەردٸڭ سالماعى بويىنشا جاڭا ستاندارتتار جاسادىق دەدٸك, ونى كٸم شىعارىپ جاتىر? ەلەكتروندى وقۋلىقتار دا بارلىق پەننەن جوق. بٸر جاعىنان جاسادىق دەدٸك, شىن مەنٸندە ونىڭ بٸرەۋٸ دە جۇمىس ٸستەمەيدٸ. نەتيجەسٸندە سول باياعى سالماعى اۋىر كٸتاپ, باستاۋىشتا وقيتىن كٸشكەنتاي بالاعا ٷلكەن سالماق. الدىمەن شەشٸپ الىپ, سودان كەيٸن جاسامايمىز با? قاعازدارىن جٶنگە كەلتٸرٸپ, سودان كەيٸن جاڭا ستاندارتقا كٶشپەيمٸز بە?», - دەپ قوسىمشا سۇراق قويدى پرەمەر-مينيستر ساعىنتاەۆ.
«قاعاز وقۋلىقتاردى 50-60 جىل بويى بالالار تاسىپ جٷردٸ. بٸز دە تاسىعانبىز. بيىل العاش رەت ستاندارتتى ەنگٸزٸپ وتىرمىز, وقۋلىقتاردىڭ قاي قاعازدان باسىلاتىنىن, سالماعى مەن فورماتىن بەكٸتتٸك. ەرينە, ول تەك بيىل شىعاتىن وقۋلىقتارعا ەنگٸزٸلگەن, ەندٸ 5-6 جىلدا بارلىق وقۋلىقتاردى قامتيدى. ەلەكتروندى وقۋلىقتار 70 پروتسەنت جۇمىس ٸستەپ جاتىر, ەندٸ جاڭارتىلعان مازمۇنعا كٶشەتٸن سىنىپتاردىڭ وقۋلىقتارىن ەلەكتروندى تٷردە مٸندەتتٸ تٷردە شىعاراتىن بولامىز», - دەپ جاۋاپ بەردٸ ساعاديەۆ.
